ЎЗБЕК.

Хаёт кураш майдони. Қайнаб турмаса қони. Алп бўлмаса ўғлони. Ўзбек эмасдир, Ўзбек.
Шамолдайин шошмаса. Тўфондайин тошмаса. Чўнг ғовлардан ошмаса. Ўзбек эмасдир, Ўзбек.
Бўлмаса номус ори. Пойгаларда тулпори. Бўлмаса Эр, шунқори. Ўзбек эмасдир, Ўзбек.
Бир туртганда тўкилса. Чок чокидан сўкилса. Полвонлари йиқилса. Ўзбек эмасдир, Ўзбек.
Қадим дунё султони. Бўлмаса қахрамони. Титратмаса самони. Ўзбек эмасдир, Ўзбек.
Сўз бўғзига тиқилса. Душманларга букилса. Курашларда йиқилса. Ўзбек эмасдир, Ўзбек.
Кўтариб қадим шонни. Титратиб кенг жахонни. Тузмаса Туркистонни. Ўзбек эмасдир, Ўзбек!
Темурмалик.