Предыдущая публикация
19 Sentyabir 2015 10:00 Sentyabr 17-də iqamətgahı Brazilia şəhərində olmaqla, Azərbaycan Respublikasının Trinidad və Tobaqo Respublikasındakı səfiri Elnur Sultanov etimadnaməsini Trinidad və Tobaqo Respublikasının Prezidenti Antoni Karmonayatəqdim edib.
Oxu.Az Xarici İşlər Nazirliyinin məlumatına istinadla xəbər verir ki, mərasim zamanı səfir E.Sultanov Azərbaycan Respublikasının Prezidenti İlham Əliyevin salamlarını A.Karmonaya çatdırıb. Səfir həmçinin, Azərbaycan ilə Trinidad və Tobaqo əlaqələrinin inkişaf etdirilməsi üçün potensialın mövcud olduğunu və iki ölkə arasında energetika, mədəniyyət, təhsil və digər sahələrdə əməkdaşlıq üçün imkanların olduğunu diqqətə çatdırıb.
Prezident A.Karmona səfir E.Sultanova təşəkkür edərək, səmimi salamlarının və ən xoş arzularının Azəraycan Respublikasının Prezidenti İlham Əliyevə çatdırılmasını xahiş etdi. O həmçinin, ölkəsinin Azərbaycan ilə ikitərəfli əlaqələrin inkişaf etdirilməsində maraqlı olduğunu vurğuladı.
Görüş zamanı Azərbaycan ilə Trinidad və Tobaqo arasında ikitərəfli əməkdaşlığın genişləndirilməsi istiqamətində ətraflı fikir mübadiləsi aparılıb.
Səfər çərçivəsində səfir E.Sultanov Trinidad və Tobaqo Respublikasının xarici işləri nazirliyinin rəsmiləri ilə bir sıra görüşlər keçirib və görüşlər zamanı ikitərəfli münasibətlərin genişləndirilməsi perspektivləri ətrafında ətraflı müzakirələr aparılıb.
Следующая публикация
Нет комментариев