Предыдущая публикация
ყველა დროის საუკეთესო გოლეადორები: კრიშტიანუ რონალდუ მე-6 ადგილზე, მესი მე-10!
თარიღი: მარტი 1, 2015
roa
ლიონელ მესიმ შაბათს გრანადასთან მატჩში (1:3) თავისი გუნდის ბოლო გოლი გაიტანა და სტატისტიკა გაიუმჯობესა. კარიერის განმავლობაში მან კლუბსა და ნაკრებში 558 მატჩში 437 გოლი გაიტანა. გარდა ამისა, მას 173 საგოლე გადაცემა აქვს გაკეთებული, რაც ხაზს უსვამს იმაზე, რომ ლიონელი გუნდური ფეხბურთელია.
აღსანიშნავია, რომ ბოლო 4 მატჩში მესიმ 7 გოლის გატანა შეძლო! საერთო ჯამში, მიმდინარე სეზონში მან 40 მატჩი ითამაშა და 41 გოლი შეაგდო.
ახლა კი შევხედოთ ევროპის ტოპ 5 ჩემპიონატის ყველა დროის საუკეთესო გოლეადორების სიას:
პირველ ადგილს “ტოტენჰემ ჰოტსპურის” ლეგენდა, ჯიმი გრივზი იკავებს, რომელმაც ინგლისის პრემიერ ლიგაში 357 გოლი გაიტანა, იტალიაში კი- 9.
მეორეადგილოსანმა გერდ მიულერმა მთელი კარიერა მშობლიურ გერმანიაში განვლო და ბუნდესლიგაში 365 გოლი გაიტანა.
მესამე ადგილზე მყოფმა სტივ ბლუმერმა ინგლისის პირველობაზე 317 გოლი შეაგდო, მე-4 პოზიციაზე მყოფმა, დიქსი დინმა კი – 310.
მეექვსე ადგილზეა დელიო ონისი, რომელმაც საფრანგეთის ჩემპიონატში 299-ჯერ შეძლო თავის გამოჩენა.
პორტუგალიელმა კრიშტიანუ რონალდუმ 2003 წლიდან დღემდე ორ წამყვან ჩემპიონატში (ინგლისი და ესპანეთი) 290 გოლი გაიტანა. 206-ჯერ მან მეტოქეთა კარი პრიმერა დივიზიონში დალაშქრა, 84-ჯერ კი პრემიერ ლიგაში.
არგენტინელი ლიონელ მესი მე-10 ადგილზეა. 2004 წლიდან მოყოლებული მის ანგარიშზე ესპანეთის პრიმერა დივიზიონში გატანილი 269 გოლია.
Следующая публикация
Нет комментариев