Սաֆարովի դեպքը ցույց է տալիս ԵԱՀԿ Մինսկի խմբի անզոր կարգավիճակը.

Գերմանացի փորձագետ
Թերթի հարցերին պատասխանել է Արտաքին հարաբերությունների գերմանական խորհրդի փորձագետ Ստեֆան Մեյստերը:
- Ինչպե՞ս եք գնահատում ԵԱՀԿ Մինսկի խմբի համանախագահների պաշտոնական հայտարարությունները Ռամիլ Սաֆարովի էքստրադիցիայի վերաբերյալ: Ի՞նչ են դրանք նշանակում:
- Ռամիլ Սաֆարովի էքստրադիցիայի վերաբերյալ պաշտոնական հայտարարությունները շատ թույլ էին եւ չէին արտահայտում միջազգային իրավունքի սկզբունքային խախտումը Ադրբեջանի կողմից: Դա նաեւ ցույց է տալիս, որ Մինսկի խումբն ունակ չէ համապատասխան գնահատական տալու այն բռնություններին, որոնք տեղի են ունենում Ղարաբաղյան կոնֆլիկտի ենթատեքստում: Առաջին հերթին այն ցույց է տալիս Մինսկի խմբի թույլ եւ անօգնական կարգավիճակը եւ խմբում կողմերի տարբեր հետաքրքրությունները:
- Ինչ եք կարծում՝ Սաֆարովի էքստրադիցիան կփոխի՞ ստատուս քվոն Հարավային Կովկասում, եւ ի՞նչ փոփոխություններ եք Դուք կանխատեսում:
- Սաֆարովի դեպքը կշիկացնի հակամարտությունը Հայաստանի ու Ադրբեջանի միջեւ, այն նաեւ չի աջակցի Ղարաբաղյան հակամարտության խաղաղ կարգավորմանը: ԵՄ-ն իր անդամ պետության՝ Հունգարիայի հետ կորցրեց վստահելիությունն այն ոլորտում, ինչպիսին է օրենքի գերակայությունը, որը հետագայում կթուլացնի Եմ դերը բանակցային գործընթացում:
- Ռամիլ Սաֆարովի արտահանձնումն ինչպե՞ս կանդրադառնա Լեռնային Ղարաբաղի կոնֆլիկտի լուծման վրա: Հաշվի առնելով Ռամիլ Սաֆարովի փառաբանումը՝ «Ադրբեջանի ենթակայությամբ Ղարաբաղի ինքնավարություն» ծրագիրը դեռեւս ընդունելի՞ է:
- Ես կարգավիճակի փոփոխություններ չեմ տեսնում: Ստեղծված իրավիճակը ցանկացած խաղաղ կարգավորման գործընթաց ավելի կդժվարեցնի եւ կքաջալերի երկու կողմերից շատերին անել այն, ինչ Սաֆարովն արեց: Սա կհանգեցնի բռնությունների, որը կշիկացնի հակամարտությունը»,- մեջբերում է «Ժամանակը» ։
#новости