Предыдущая публикация
Պարույր Հայրիկյանի դեմ կատարված մահափորձի պատվիրատուն մարտի մեկի հեղինակներն են
«Պարույր Հայրիկյանի դեմ կրակոցներն ուղղված են Հայաստանի Հանրապետության դեմ, և նույն շարքում են, ինչպես Հոկտեմբերի 27-ի, և Մարտի 1-ի կրակոցները հանդիսանում են միևնույն պատվիրատուների ձեռքի գործը..» ,-Ֆեյսբուքյան իր էջում այսպիսի գրառում է թողել ՀՔԱ Վանաձորի գրասենյակի ղեկավար, իրավապաշտպան Արթուր Սաքունցը:
ԳԱԼԱ-ի հարցին, թե ու՞մ դեմ են ուղղված այդ կրակոցներն իրականում, նա ասաց. «Ոչ, դա Սերժի թշնամիների գործը չի, սա պետության դեմ է... իմ, քո, մյուսների դեմ է, որովհետև այդ կրակոցներով ոչ Սերժի հարցն է լուծվում, ոչ Հայրիկյանի հարցն է լուծվում, ոչ էլ ընտրության արդյունքների ելքն է կանխորոշում, սա մեր թույլ պետական մարմինների, թույլ հասարակության խոցելիության հետևանքն է, և նպատակ ունի հերթական անգամ մեզ գցել հուսահատության, անելանելիության փոսը.. բայց համոզված եմ՝ չի ստացվելու»,-ասաց Արթուր Սաքունցը:
Ըստ իրավապաշտպանի՝ տեղի ունեցածը ԱԱԾ-ի բացթողումն է.
«Եթե Ազգային անվտանգությունը զբաղվեր ոչ թե քաղաքական ընդդիմադիրներին , իրավապաշտպաններին, լրագրողներին և նրանց գործունեությանը հետևելու գործով, այլ իր գործառույթներով, ապա նման դեպքերի հավանականությունը քիչ կլիներ... և պետք է հեռացնել ԱԱԾ-ի պետին, անհապաղ..»:
Следующая публикация
Нет комментариев