Yodimda bolalik onlarim go'zal Unutib bo'larmi shunday chog'larni Goho to'y-to'y o'ynab kiygizib ko'ylak Kelin qilar edik qo'g'irchoqlarni Qo'shni qiz o'rtog'im yaqin dugonam Qo'g'irchoq o'ynashni yaxshi ko'rardik Har kun qo'g'irchoqning sochini qayta Va yana qaytadan mayda o'rardik Tog'dek tizzasiga o'tkazib dadam Derdi qo'llariga quchib yelkamni "Qizim, o'zing jajji qo'g'irchog'imsan.

Qo'g'irchoqlar- qo'g'irchoq o'ynar ekanmi ? " Ulg'aydim, bolalik izlarim izlab Bu kun ich- etimni kemirib yeyman Men o'sgan shunday keng, shunday hovlida "MEHR" deganlari yo'qmikan deyman Dunyo bekamu ko'st emasmi nega? Men bugun taqdirning ovunchog'imi? Bugun to'y-to'y o'ynab mehribon dadam Kelin qilar erka qo'g'irchog'ini Ona sizni aldab nima qilaman Bugun bag'ringizda turib sovqotdim Sizni o'zim uchun asrab qolay deb O'zimni siz uchun bugun yo'qotdim Dadamni bag'riga otib o'zimni Xorsinib yig'lasam hamma kuladi Dadam kulib deydi: Qizim yig'lama Qo'shnilar eshitsa uyat bo'ladi Bugun yig'lashga ham yo'q mening haqqim Taqdir deganlari bunchalar taxir Jajji qo'g'irchog'im olovga otdim Qo'g'irchoqlar- qo'g'irchoq o'ynar ekanmi... Qo'rqmang siz aytgandek bo'ladi dada Bilaman poymonam bir on to'ladi Yo'q, siz o'shanda ham yig'lamang dada Qo'shnilar eshitsa uyat bo'ladi....