Предыдущая публикация
კრუიფი: "რონალდუ - გამტანი, მესი - გუნდის მოთამაშე"
კატალონიის "ბარსელონას" ლეგენდარულმა ექს-ფეხბურთელმა და მწვრთნელმა, იოჰან კრუიფმა 2015 წლის საუკეთესო ფეხბურთელი დაასახელა და ოქროს ბურთზე ისაუბრა.
"ოქროს ბურთზე მსჯელობა არ ღირს. ლეო მესიზე უკეთესო მსოფლიო ფეხბურთში, არ არსებობს. მე აღნიშნულ ჯილდოს სწორედ მესის მივცემდი. მე ყოველთვის უფრო დიდ უპირატესობას ფეხბურთელის ტექნიკურობას და ფეხბურთის თამაშს ვანიჭებ და არა - გოლების რაოდენობას.
კრიშტიანუ რონალდუ - კარგი ფეხბურთელია, მაგრამ მას მხოლოდ გოლების გატან შეუძლია. პორტუგალიელი ლეო მესის არ გავს, მწვრთნელს არ შეუძლია მის გარშემო ააგოს გუნდის თამაში. მისი საბოლოო შედეგი მხოლოდ გოლებია.
ლეო მესი უფრო გუნდის მოთამაშეა და ამასთან ერთად როგორც თავდამსხმელად, ასევე გამთამაშებლადაც გვევლინება. ის გუნდს ძალიან ეხმარება, რასაც პორტუგალიელზე ვერ ვიტყვით, ლეო ნამდვილი ლიდერია," - განაცხადა კრუიფმა.
Следующая публикация
Нет комментариев