ოთხ და ხუთსიმიან საკრავზე დაუფლების ხელოვნებას საფუძველი ჩაუყარეს ესპანეთის,იატალიისა და საფრანგეთის მუსიკოსებმა:ვალდერაბანომ,სანსმა,ფოსკარინიმ,დე ვიზემ,კამპიონმა და სხვებმა.
პირველი ტრაქტატი რომელიც გიტარას მიეძღვნა გამოქვეყნდა 1596 წელს ბარსელონაში მედიცინის დოქტორისა და გამოჩენილი მათემატიკოსის კარლოს ამატის მიერ.მასში განხილული იყო გიტარაზე დაკვრის სრულყოფის საკითხები და მუსიკის ჩაწერის მეტოდები რომელიც ძალიან წარმატებული არმოჩნდა.ამატის ტრაქტატის გავრცელებამ კიდევ უფრო დააჩქარა ვიუელას საბოლოო განდევნა მუსიკალური ყოფიდან და ამავე დროს ხუთსიმიანი გიტარის აღორძინება,რომელმაც საერთაშორისო აღიარება მოიპოვა და ესპანური მუსიკის სიმბოლო გახდა.
მე-17 საუკუნის გიტარის ოსტატებს შორის ღირსეული ადგილი უჭირავს კომპოზიტორს,პედაგოგსა და შემსრულებელს ფრანჩესკო კორბეტას.
მე-18 საუკუნის მეორე ნახევარში მუსიკალურ სამყაროს მოევლინა ახალი სრულყოფილი ინტრუმენტი ექვსსიმიანი გიტარა.მან მიიღო სახელწოდება კლასიკური,რომლის ნოტურმა წყობამ საგრძნობლად გააფართოვა და გაზარდა საკრავის სარეპერტუარო ჰორიზონტი,განაახლა გიტარის საშემსრულებლო დიაპაზონი და მისცა დიდი შესაძლებლობები მდიდარი და მრავალფეროვანი ლიტერატურის შესაქმნელად. იგი ესპანეთიდან ჯერ დასავლეთ ევროპის ქვეყნებსა და ამერიკაში გავრცელდა,ხოლო მოგვიანებით მთელ მსოფლიოში.
მე-18 საუკუნის 90-იან წლებში გიტარა არაჩვეულებრივ პოპულარობას იხვეჭს.საკრავის ასეთ წარმატებებში დიდი როლი ითამაშეს ვირტუოზ შემსრულებლებმა.სანსის,აგუადოს,სორის,კარკასისა და სხვა ცნობილ გიტარისტთა მეოხებით გიტარა სრულფასოვან კლასიკურ საკრავთა რიგებში ჩადგა.სხვა კლასიკური ინსტრუმენტებისაგან განსხვავებით გიტარამ ფართო გავრცელება ჰპოვა ხალხურ მუსიკალურ ყოფაშიც.ამის მიზეზი იყო მისი უნივერსალურობა,პორტატულობა,მცირე წონა,სიიაფე და სხვა,რითაც იგი ხელმისაწვდომი გახდა მოსახლეობის ყველა ფენისათვის.
მე-18 საუკუნის მეორე ნახევარში ესპანეთში გიტარისათვის გახსნილი იყო მრავალი სამუსიკო სკოლა.საკრავის შესაძლებლობები,ახალი ტექნიკური ილეთები აისახა ლიტერატურაში.განსაკუთრებული პოპულარობა მოიხვეჭა ფ.მორეტის ტრაქტატმა,რომელიც 1799 წელს გამოიცა მადრიდში.
მე-19 საუკუნე გიტარის ჭეშმარიტი აღორძინების ხანად უნდა მივიჩნიოთ,რაც დაკავშირებულია იტალიელი კომპოზიტორების,გიტარის დიდოსტატების ფ.კარულის,მ.კარკასის,რ.ლენიანის და სხვათა მოღვაწეობასთან.გიტარის ხელოვნებამ თავის აპოგეას მიაღწია იტალიელი მ.ჯულიანის,ესპანელების დ.აგუადოს,ფ.სორის,მ. დე ფალიას,ი.ალბენისის,ე.გრანადოსისა და სხვა გამოჩენილი კომპოზიტორების,თეორეტიკოსებისა და ვირტუოზ შემსრულებელთა წყალობით.საფრანგეთში მათ გზას აგრძელებდა კოსტი,იტალიაში-მერტცი და რეგონდი,ხოლო ესპანელ გიტარისტებს,განსაკუთრებით კი სახელგანთქმულ არკასს შესრულების ტექნიკაში შეაქვთ ახალი ელემენტები.ექვსსიმიანი გიტარის ერთ-ერთი პირველი კმპოზიტორი იყო გიტარისტი და ვიოლონჩელისტი ლ.ბოკერინი(1743-1805).მან გიტარის მონაწილეობით შექმნა 22 კვინტეტი,რომელთაგან ზოგიერთი გამოქვეყნდა და დღესაც დიდ ინტერესს იწვევს.
Присоединяйтесь к ОК, чтобы подписаться на группу и комментировать публикации.
Нет комментариев