Предыдущая публикация
Узоқларда юрган болам бормисан,
Пул топай деб ўзга юртда хормисан.
Мактуб ёзиб тургин ўглим онангга ,
Согинганда мехримизга зормисан.
Кўп эзилма ёлгон асли бу олам,
Ёмону яхшини кўрарсан болам.
Ёмонлик етмасин ўглим танангга,
Бу сўзлар сўз эмас қалбдаги нолам.
Ором ол, ўйланма ухла сен тунда,
Омон бўлсак келар висол бир кунда.
Согинсак кирамиз сенинг хонангга,
Онанг сени муштоқ кутади бунда.
Худо қувват берсин ўглим белинга,
Сабр, тоқат, бардош берсин келинга.
Мактубим шифодир болам ярангга,
Хизмат қилгин болам Ўзбек элингга.
Дунёмиз тинч бўлсин бўлгин сен омон,
Қалбдаги ноламни ёздим сен томон.
Оталик қил энди келиб болангга,
Бу дунё боқиймас ўткинчи замон.
Следующая публикация
Нет комментариев