Предыдущая публикация
Ata övladının qolunda qüvvət
Yolunda nur kimi saçan çıraqdı
Bir Ata nə qədər gücsüz olsa da
Övladın gözündə ən böyük dağdı.
Ata müqəddəsdi, ata zirvədi
Övlad o zirvəyə ələnən qardı.
Qırışmış əllərdə, ağarmış saçda,
Gör neçə illərin zəhməti vardı.
Aldın hər bir şeyin ən yaxşısını,
Qoymadın kimdənsə geridə qalaq,
Bağışla ay Ata, qurbanın olum,
Ağarmış saçının səbəbkarıyam.
Allahdan başqası əbədi deyil,
Bir ömür ağılda saxlayın bunu,
Əyilməz polad da əyilir demək,
Atam qocaldıqca anladım bunu.
Dünyanın ən ağır xəstəsi olsa,
Yenə də övladın alır qadasın.
Atasız olana yetim deyərlər.
Allah heç bir kəsi yetim qoymasın
Следующая публикация
Нет комментариев