Предыдущая публикация
"Bugun"
Mana yana yulduzli tundur,
Erta deymiz tashvishim ko'pdur,
Tun ham o'tdi yangi kun keldi,
Balkim bugun eng so'nggi kundur.
Tinim bilmay xayot zavqida,
Yallo qilib to'ymay shavqida,
Savol berib o'ylang aslida,
Balkim bugun eng so'nggi kundur.
Do'stim Otang olamdan o'tdi,
Ro'zg'or deya akang ham ketti,
Bugun Onang sog'inib diydorni kutdi,
Balkim bugun eng so'nggi kundur.
Eslolmaysan qachon kulganing,
Qo'ni qo'shnim deya kuyganing,
G'amin yeysan yana ertaning,
Balkim bugun eng so'nggi kundur.
Osmon emas ko'ngillar yiroq,
Yugursak ham kutkuvchi tuproq,
Diydor shirin shoshildik o'rtoq,
Balkim bugun eng so'nggi kundur.
G'urur degan to'ningni yechgin,
Ushalmagan orzudan kechgin,
Yodda tutib unutma bilgin,
Balkim bugun eng so'nggi kundur.
Qadr asli bilsang g'animat,
Ota-Ona do'st yor g'animat,
Mexr esa eng buyuk nemat,
Balkim bugun eng so'nggi kundur.
Qolsin do'stim bizdan yaxshilik,
Uyg'onganing o'zi yangilik,
Xayot bizga yolg'onmas chindur,
Balkim bugun eng so'nggi kundur.
Muallif : Akbarshox Obidjonov
( Andijonli Shoir )
Следующая публикация
Нет комментариев