Бир киз шери

Мени яхши кўрар эди, севмасди,
Мен севаман дердим ўша йигитни.
Балки у ҳеч кимга мени бермасди,
Олинг, сизга бердим ўша йигитни.
Киприги қайрилма қошлари ёй қиз,
Нози осмонларда кўкдаги ой қиз,
Сизга ўша йигит керакми, ҳой қиз,
Олинг, сизга бердим ўша йигитни.
Баҳорим ўғирлаб кузники қилинг,
Ёмғирни йиғлоқи қизники қилинг,
Қўлингиздан келса сизники қилинг,
Олинг, сизга бердим ўша йигитни.
Битта йигитни деб ўлмоқчимасман,
Гул очмай ғунча ҳол сўлмоқчимасма,
Фарғонага келин бўлмоқчимасман,
Олинг, сизга бердим ўша йигитни.
Севгим - мен кафтимда тутолмаган қор,Севгингиз - мен ёнингдаман деган ёр,
Кетдим.
Ўртангизда менга нима бор,
Олинг, сизга бердим ўша йигитни.
Эй синглим, вафони кутманг дунёдан,
Сиздан кечмайдими кечган Зуҳродан,
Бахт тилаб ўтаман майли Худодан,
Олинг, сизга бердим ўша йигитни.