Предыдущая публикация
Гудози ишқи Ҳақро ошиқи
мастона медонад,
Шукӯҳи сӯзи доғи шамъро
парвона медонад.
Чӣ мепурсӣ зи зоҳид илми
ишқи сирри ваҳдатро,
Ки ҳушёр аст ӯ, ин рамзро
девона медонад?
Зи мақсад дур солик аз
гумони дур меафтад,
Ба ҳар ҷо восилон мақсудро
ҳамхона медонад.
Намеёбӣ зи масҷид,
мақсади дил дар харобот
аст,
Касе, ки ёфт аксар ганҷ, дар
вайрона медонад.
Шаҳидон дар тапиш лаззат
зи теги ишқ меёбанд,
Касе ҷон дод, завқи
бисмили ҷонона медонад,
Зи завқи нашьаи май
зоҳидон воқиф нашуд охир,
Димоғи ринди шайдо
шаммаи майхона медонад.
Ба бедардон Ҷунунӣ,дурри
ишқашро чаро суфтӣ,
Куҷо ҳар танпарасте қадри
ин дурдона медонад?
Следующая публикация
Нет комментариев