Туғилмоқ, яшамоқ ҳар бир бошда бор,
Кимларга омад ёр, кимлар бахтга зор,
Кимнингдир гул умри сўлганда бекор,
Ўйла, бу умрнинг савдосин, эй дўст,
Тингла бу кўнгилнинг садосин,эй дўст.
Эй дўст, яхшиликни умри узоқдур,
Ёмоннинг ҳар босган изи тузоқдур,
Ёлғончилик недур, охири чоҳдур,
Олгин ота-онанг дуосин ,эй дўст,
Хато ёзма кўнгил иншосин, эй дўст.
Бахтнинг илдизи бу сабр дегани,
Эй дўст, бесабрлик жабр дегани,
Яхшилик охири қадр дегани,
Тушун, зарҳикматлар маъносин, эй дўст,
Кўтарма нодонлар ғавғосин, эй дўст.
Севгини рад этмоқ гуноҳдир азал,
Ўзга юрт ватандан бўлолмас афзал,
Энг аввал дилхонанг безатгин гўзал,
Топгайсан ҳар дарднинг давосин, эй дўст,
Қилмагин буюклик даъвосин ,эй дўст.
Атрофга боқ, сендан пастроқлар ҳам кўп,
Душманлар ичида дўстроқлар ҳам кўп,
Гулзорлар ичинда тузоқлар ҳам кўп,
Оларсан роҳатлар жазосин, эй дўст,
Орттирма жонингни жафосин, эй дўст.
Сен учун Аҳаддан шарҳи насиҳат,
Бир яхши, бир куни ёмон вазият,
Бир куни чекмайин десанг азият,
Танигин оламлар подшосин, эй дўст,
Қилмагин гумроҳлар хатосин ,эй дўст.
Эй дўст, яхшиликни умри узоқдур,
Ёмоннинг ҳар босган изи тузоқдур,
Ёлғончилик недур, охири чоҳдур,
Олгин ота-онанг дуосин ,эй дўст,
Хато ёзма кўнгил иншосин, эй дўст....
Присоединяйтесь к ОК, чтобы подписаться на группу и комментировать публикации.
Нет комментариев