ТAVBA QILAYLIK

Инсон экан зодимиз,
Бурчимизни билайлик.
Икки кўзга олиб ёш,
Келинг, тавба қилайлик,
Аллоҳга бўй сунайлик.
Кулмайлик биз иржайиб,
Бир оз тилимиз тийиб.
Йиқилмасдан биз тойиб,
Келинг, тавба қилайлик,
Аллоҳга бўй сунайлик.
Ўтар кунлар кетма-кет,
Кўп юрамиз интернет.
Куймасидан танда эт,
Келинг, тавба қилайлик,
Аллоҳга бўй сунайлик.
Тонгда ўқиб намозлар,
Қичқирганда хўрозлар.
Кутмайлик энди ёзлар,
Келинг, тавба қилайлик,
Аллоҳга бўй сунайлик.
Маҳкам тутиб суннатни,
Бермайлик шижоатни.
Хоҳлаб биз ҳам жаннатни
Келинг, тавба қилайлик,
Аллоҳга бўй сунайлик.
Ғийбат, иғво гуноҳдан,
Асрайлик ўзни чоҳдан.
Қўрқиб бизлар Илоҳдан,
Келинг, тавба қилайлик,
Аллоҳга бўй сунайлик.
Иймон билан яшайлик,
Кўришиб ярашайлик.
Йиғиб жаннатга бойлик,
Келинг, тавба қилайлик,
Аллоҳга бўй сунайлик.
Бир авлиё валийдай,
Кўнгилга ором атай.
Ҳазрат Билол, Алидай,
Келинг, тавба қилайлик,
Аллоҳга бўй сунайлик.
Бўлиб дўсту-бродар,
Яшайлик қиёмат қадар.
Агар бўлсак оқ падар,
Келинг, тавба қилайлик,
Аллоҳга бўй сунайлик.
Ёқса агар насиҳат,
Хурсанд бўлардим беҳат
Ҳалиямки тан сиҳат,
Келинг, тавба қилайлик,
Аллоҳга бўй сунайлик.
Аҳмад Чутов, 03.07.2017