Предыдущая публикация
♥ Aytolmadim ♥
Sevishga sevdimu do'stlar,
Sevaman dep aytolmadim.
Sen uchun jonimni ham,
Beraman dep aytolmadim.
Aytolmadim oshiqligim,
Muhabbatga loyiqligim.
Yonib butgul kul bo'ldimu,
Kuyaman dep aytolmadim.
Ko'rsam tilim aylanmasdi,
Yuragim tez urib tinmasdi.
Tushlarimda seni har kun,
Ko'raman dep aytolmadim.
Tushuning 15-yoshimda,
Bu savdo tushdi boshimga.
Hayotimni sensiz qanday,
Quraman dep aytolmadim.
Yonida sog'inib turib,
Olisda og'rinib turib.
Meni tashlab ketsang bir zum,
Ulaman dep aytolmadim.
Qaytolmadim yo'limdan ham,
Ushlolmadim qo'lidan ham.
Menda ko'ngling borligini,
Bilaman dep aytolmadim.
Yashirdim dilda rashkimni,
Pinhona tutdim ishqimni.
Faqat bir seni sevgingni,
Kutaman dep aytolmadim.
Ketib qoldim olislarga,
Bir suz demay ul dilbarga.
Meni kutsang albatta men,
Kelaman dep aytolmadim.
Sotilma sovchilaringa,
Aldanma oshiqlaringa.
Ularning yolg'onchiligin,
Sezaman dep aytolmadim.
Sevishini bilar edim,
Nega biron so'z demadim.
Yoningda men butun umr,
Qolaman dep aytolmadim.
Yonar Ahad, kuyar Ahad,
Pushaymonim qavat-qavat.
Dardlaringni aytgin gulim,
Olaman dep aytolmadim.
Sevishga sevdimu do'stlar,
Sevaman dep aytolmadim....
( Ahad Qayum )
Следующая публикация
Нет комментариев