Предыдущая публикация
OFK nazoratchilari o'zbekistonlik hakamlarning
o'yinini kuzatishadi Osiyo Futbol Konfederatsiyasi hakamlar departamenti nazoratchilari OFK tasnifiga kiruvchi
musobaqalarni boshqarib borish uchun nomzodlarning o'yinini kuzatish uchun O'zbekistonga tashrif buyuradi. FIFA referilari Sherzod Qosimov va Aziz Asimovlar Futbol bo'yicha O'zbekiston Oliy Ligasining 15-turidan o'rin olgan uchrashuvlarda OFK nazoratchilari kuzatuvida bo'ladilar. Jumladan, FIFA referisi Sherzod Qosimov 9 avgust kuni «Metallurg» – «Dinamo» uchrashuvi hakam sifatida mutaxassislar kuzativida bo'lsa, 10 avgust kuni OFK mutaxassislari Aziz Asimov boshqarib boradigan «Bunyodkor» – «Mash'al» o'yinini kuzatib boradilar. OFK Hakamlar departamentidan tashrif buyuradigan mutaxassislar ikkala hakammning o'yinlarini kuzatishadi va ularni baholashadi. Mazkur o'yinlarda o'zbekistonlik referilar OFK nazoratchilari tomonidan yuqori baholanishsa, kelasi yildan boshlab OFK tasnifiga kiruvchi musobaqalarni boshqarib borish huquqini qo'lga kiritadilar. Ta'kidlash joiz, har ikkala o'zbekistonlik referilar OFK tomonidan tashkil etilgan o'quv seminaridan muvaffaqiyatli o'tgan va imtihonlarning so'nggi bosqichiga yo'l olgan edilar.
Следующая публикация
Нет комментариев