••••••••••••••DO'ST•••••••••••••

Юрагим ларзага келдию бирдан,
Қўлимга тутқазди ижод қаламим.
Тожигу Ўзбекнинг қувонч меҳридан,
Кўзимдан ашк томди, кетиб аламим.
Ҳар юзда кўрасиз табассум ханда,
Энг олий бахт ила саодатларин.
Ул кимса "дўст" эрур ҳақиқий банда,
Қувлагай юракдан кулли гардларин.
Жомий ва Навоий дўст эди қалин,
Тарихга қайрилиб солсангиз назар.
Ўша буюкларнинг тутганча йўлин,
Бу халқлар биридан қилмайди ҳазар.
Урф-одат, тўйлару томошолари,
Азалдан келади бефарқ равишда.
Тожигу Ўзбекнинг буюк шоҳлари,
Дўстлик ришталарин узмас ҳар ишда!