Предыдущая публикация
Сабантуйга кайта зимагурлар,
Авылыннан качкан балалар
Кендекләрен җирдән өзгәч,
Сагындык, дип оран салалар.
Кайта алар текә машинада
Киемнәре ай-һай кәттә соң!
Борыннары күккә кадәр тигән
Маңка, иде диеп әйтмәссең.
Җир сөрмәгән алар, җил сөймәгән
Тормышлары шаулы шәһәрдә
Өйрәнгәннәр әзер һәм бәзергә
Җиңел генә рәхәт яшәргә.
Сабантуйлар авыл халкы өчен
Көчен түккән ферма-кырларда
Көнне-төнгә ялгап эшләүчеләр
Бүген хаклы биеп-җырларга.
Киемнәре кыйммәт булмаса да
Йөрәкләре алтын аларның
Бу кытыршы каткан кулларында
Җылысы бар җәйге таңнарның.
Күңелләре юмарт, кунакчыллар
Һәрбер эштә батыр, уңганнар
Колач җәеп каршы чыга алар
Зимагурлар, сезгә туганнар.
Сабантуйга мактанам, дип
Күңел ачам, диеп кайтмагыз
Сезгә икмәк, ит-сөт биргән шушы
Җир кешесен чөеп мактагыз.
Бүләк белән, күчтәнәчләр белән
Кайтыгыз сез туган йортларга
Сабантуйда һич тә онытмагыз
Кыр батырын ихлас котларга.
Күрешүләр кирәк, җанда-сагыш,
Сыйныфташлар әле исәндер
Җанга дәва була алган җилләр
Туган якта гына исәдер.
Зимагурлар кайта Сабантуйга,
Көтә авыл, көтә ул сабыр...
Мин дә кайтам, мин дә ташлап киттем
Җир сөрмәдем, мин дә-зимагур.
Мирһади Разов
Следующая публикация
Комментарии 2
Беткәч язгы кыр эше,
Бәйрәм итәргә болынга
Җыела һәрбер кеше.
Анда була бик зур бәйрәм,
"Сабантуй" тамашасы.
Килә анда һәр кешенең
Уйныйсы, катнашасы.
Йөгерешчеләр чабалар,
Гер күтәрә алыплар.
Уен-көлке, җыр-көйләр,
Мәйдан тота батырлар.
Багана башына менү,
Күз бәйләп чүлмәк вату.
Күпме сәүдәгәр җыелган,
Һәркайда алу-сату.
Сабантуйнын йөзек кашы
Атлар чабышы бара.
Капчык киеп йөгерүгә
Юк бит катнашмый чара.
Ир-егетлэр су ташыйлар
Чиләк-көянтә асып.
Апалар-кызлар ярыша
Кашыкка күкәй салып.
Иң кызыгы, бер абзыкай
Иелгән зур табакка,
Бер тәңкәлек акча эзли
Башын тыгып катыкка.
Менә шундый матур бәйрәм
Үткәрәләр авылда.
Әйдәгез, дуслар, болынга,
Катнашыйк САБАНТУЙДА.
автор:Касим Гилемханов.