Предыдущая публикация
НАНА
Дагана базбелча бала,
Къахьделча дахаран тай,
Хьоь кхойкху-орцаха яла,
Ахь оьций и ло-кха бай.
Кхолламо тохарца дера,
Чов йина лазийча дог,
Ахь хьостий и йоьрзу шера,
Мо боцуш, ца юьсуш бог.
Де эшна хьаьвзича готта,
Дуьххьара хьо кхочу т1е.
Г1о эшна холучу х1оттахь,
Кховдайо дог дохден ц1е.
Бух боцу йовхо ю хьоьца,
Къинхетам, адамалла ю,
До1ийна сайн куьйгаш лоьцуш,
Деле ас йоьхург хьо ю.
Йолчунна яхае Дела!
Йоцчунна собар ло Дела!
Даима ехийла Нана!
Декъала хуьлийла Нана!
Хьава Дашаева
Следующая публикация
Нет комментариев