Предыдущая публикация
Некъ Алиев Мохьмад
Декъазчу некъана хилла сайн къера,
Воьжна со безамо хьарчийна шех,
Дахаро вигарх я воккхуш хьох хера,
Т1аккха а лехна ас, хьо йолчу некъ.
Дийнахь цкъа ган лууш сатийсам хьерчаш,
Лела-кха йортъетташ маь1-маь11ехь со,
Т1ехбуьйлу нах буьйлуш безамна техкаш,
Сатийсам хьулбина вог1у ган хьо!
Эхь-бехк а дайина хоьтту ас нахе,
Лар яйна сан цуьнан и мичахь ю?
Бай хьоькхуш хаалой хотту ас махе.
Схьагарехь, сан лехам дохк санна бу!
Сатийсам г1елбелла боьжна сан арахь,
Гур яц хьо бахаро къарцаво со,
Къастаро хьоьха со вагийна алахь,
Теша ма тешалахь, цкъа цунах хьо!
Хьо а яц, я со вац къастарна бехке,
Тептар т1е язбелларш бехкениш – нах,
Кхана уьш кхойкхур бу йоккхачу кхеле,
Вайн безам хетар бу дуьненан ах!
* * *
Следующая публикация
Нет комментариев