Предыдущая публикация
ՈՒՐԻՇ ՈՉ ՄԵԿԻՆ ՈՉԻՆՉ ԷԼ ՆԱ ՊԱՐՏԱՎՈՐ ՉԷ
Կին լինել նշանակում է լինել բավականին թույլ, որպեսզի կողքիդ ուժեղ տղամարդ ունենաս: Լինել բավականին իմաստուն թույլ լինելու համար: Ոչ թե լայն թիկունք, այլ մեծ սիրտ փնտրել: Ամուսնանալ ոչ հաշվարկով ու ապավինել սիրուն:
Ո՞վ է ասել, որ տղամարդը պարտավոր է առնական լինի, իսկ կինն` ամուսնացած:
Կինը պարտավոր է երջանիկ լինել: Ուրիշ ոչ մեկին ոչինչ էլ նա պարտավոր չէ:
Կան կանայք` իսկական կանայք: Եվ կան գեղջուկներ: Թե ինչպիսին դառնալ, մեզանից յուրաքանչյուրն ինքն է ընտրում:
Ինչ վերաբերվում է գեղջուկներին, այստեղ ամեն բան հասկանալի է: Դրանք այն կանայք են, որոնք չեն օգտագործում իրենց թևերը, նախընտրում են թռչել ցախավելի վրա: Նրանց միշտ ինչ-որ բան չի բավարարում, իրենց բոլորը պարտք են: Նրանց հետ շփվելիս հասկանում ես` եթե օձը թունավոր է, բոլորովին էլ նշանակություն չունի` գեր է, թե նիհար:
Կին լինել նշանակում է մտածել, զգալ և վարվել` որպես կին: Խնամված լինել, զուգվել-զարդարվել, կամակորություններ անել: Սիրել, երեխաներ լույս աշխարհ բերել, ներել: Ծառայել, սիրաշահել, հարմարվել: Հրամայել, խրախուսել, հրապուրել: Լինել գեղեցիկ` դուր գալով ինքդ քեզ: Տաղանդավոր լինել` ուրիշների կողմից ընդունվելու համար: Աշխատել այնպես, կարծես գումարի համար չես աշխատում: Եվ սիրել, կարծես վաղը մեռնելու ես:
Իսկական կինը հիվանդ է աստղային հիվանդությամբ և չի շտապում այն բուժել: Նրա սպասքում երկնագույն եզրերով ափսեներ կան: Իսկ սիրած ճաշատեսակը երկնային մանանան է: Նա լավ հարաբերությունների մեջ է գերագույն ուժերի հետ: Կյանքից չի սպասում լավից բացի ոչնչի: Այդ պատճառով իրականանում են ոչ միայն նրա երազանքները, այլև պատրանքները:
Ի՞նչ է պետք կնոջը: Հայտնվել Սեր կոչվող հիասքանչ երկրում: Եվ ստանալ այդ երկրում մշտական գրանցում, ոչ թե ճանապարհորդական կամ աշխատանքային թույլտվություն: Եվ որ ընտրյալը հիմք լինի, այլ ոչ հենակ: Ընտանիքի կերակրողը լինի, այլ ոչ սեփականատերը: Սիրեցյալը, ոչ թե կենակիցը:
Եվ երբ սիրելիդ է կողքիդ, դրախտ կլինի և´ տնակում, և´ վրանում, և´ օդային ամրոցում:
Следующая публикация
Нет комментариев