Предыдущая публикация
Dunyo tashvishidan ortmas hayollar, Ba'zilar qalbida faqat ayollar, Do'stlarim sizlarga beray savollar, Ayting Olloh uchun nima ish qildik?
Yuramiz erta kech, qorinni o'ylab, Qur'on o'qimaymiz, hattoki oylab, Axir o'lim bizni, turmasku poylab, Ayting Ollox uchun nima ish qildik? Ro'zg'orimiz uchun, yelib yurarmiz, Otamiz amriga, tayyor turarmiz, Jannatta qasrlar, qachon qurarmiz? Ayting Olloh uchun, nima ish qildik? Amallar qilamiz, barida riyo, Ex bizlarda qolmapti, zarracha hayo, Ertan qabrimizda, bo'lgaymi ziyo, Ayting Olloh uchun nima ish qildik? Umrimiz o'tmoqda, go'yoki hazon, Shu kunlar ham bo'ldi, kimlarga armon, Bir zum ortimizga, nazar tashlabon, Ayting Olloh uchun nima ish qildik? Dunyo ziynatlari, yor bo'larmidi, Qiyomatda bizga, kor bo'larmidi, Olloh uchun yashasak, zo'r bo'larmidi, Ayting Olloh uchun, nima ish qildik? Shayton yetaklaydi, qo'limdan ushlab, Men nodon yurarman, nafsimni hushlab, Bir savol qiynaydi, yuragim g'ashlab, Ayting Olloh uchun, nima ish qildik? Yoshlik havaslari qilganda mashg'ul, Xaqqa bosh egmoqlik, juda ham mushkul, Umring poyoniga yetganda butkul, Ayting Olloh uchun, nima ish qildik? Nahot charchamaymiz, yolg'onlar so'ylab, Ayting qachongacha yuramiz o'ynab, Do'stim o'zingiz ham, ko'ring bir o'ylab, Ayting Olloh uchun, nima ish qildik? Farzandimiz uchun qurdik binolar, Ko'klarga sovurdik, ming ming diynorlar, Qalbimning tubida yana savollar, Ayting Olloh uchun, nima ish qildik? Ne ne ko'ngillarni, rom qilar jannat, Lekin anglamaslar, kitobla sunnat, Bugun o'zimdan ham, qilarman nafrat, Ayting Olloh uchun, nima ish qildik? Shamol kabi tezlab, kelar qiyomat, Har yonda ko'rinar, minglab alomat, Do'stim yana sizni, qildim malomat, Ayting Olloh uchun, nima ish qildik? Bo'ldi gapirsak ko'p, gaplar tugamas, Haqni izlamagan, barbir tushunmas, Ishoning so'zlarim, o'zim uchunmas, Ayting Olloh uchun, nima ish qildik? Ayting Olloh uchun nima ish qildik!
Следующая публикация
Нет комментариев