Предыдущая публикация
Qo'llarimdan chiqdi hayot tizgini,
Yurakda qoldirib jafo izini,
Esimni tanibman boshimda tashvish,
Sog'inib ketdim-a bahtning isini.
Bahor ham ko'nglimda kuzga o'xshaydi,
Hazondek uchirib, yelga tashlaydi,
Oftobning tafti ham muzdek tishlaydi,
Sog'inib ketdim-a bahtning isini.
O'ylab qolaman baht bormikin o'zi,
Yoki ko'r ekanmi taqdirning ko'zi,
Hayotim men sendan emasman rozi,
Sog'inib ketdima bahtning isini.
Qaerdan topayin ahtarib izlab,
Kelsa yurar edim avaylab sizlab,
Iltijo qilaman hasratla bo'zlab,
Sog'inib ketdim-a bahtning isini
Следующая публикация
Нет комментариев