Предыдущая публикация
МУСОФИР АЁЛ ДАРДЛАРИ....
Аёлларни қоралайсиз аёллар ёмон Чет элларда юрибди, ҳаёллар ёмон Қани энди бир кунда, уни ўрнида Яшасангиз , кўрсангиз булса гар имкон. Қанийди бир лаҳза ўрнида бўлиб Оғир мехнатлардан гулдайин сўлиб Фарзанд соғинчидан хасратга тўлиб Яшашни сезсангиз ҳар кун бир ўлиб. Аёлга ҳавасми ўзга юртларда Бегона жойларда сарсон бўлмоқлик. Нима ҳам қиларди бечора шўрлик Такдирида бор экан, бурчи кўнмоқлик. Оғзингиз тўлдириб ғийбат қиласиз Эзилган дилларни баттар эзасиз Кўзларига боқинг ...тўхтанг бир муддат Шунда қалбидаги дардни сезасиз. Аёлларга эмас уй - жой қурмоқлик Ё ўзга юртларда сарсон кезмоқлик. Уларга хавасмас азиз эркаклар...... Аёл боши билан эркак бўлмоқлик. Замона зайлига қаранг- а дўстим Уй - рузғор ташвиши аёлга колди. Битармикан деб бироз кам - кўстим Аёл мусофирликни бўйнига олди. Ғийбат қилиш осон , айб топиш осон Туҳмат қилиш осон , тош отиш осон. Яхши аёл бўлса уйда юрарди........ Деб секин панадан гап отиш осон. Ўзидан ўтканин бир ўзи билар Нимаики қилса хам оилам деб қилар Фарзандим ўксинмасин хор бўлмасин деб Аёл бир кун ўлса хам , болам деб ўлар.
Следующая публикация
Нет комментариев