Предыдущая публикация
Meni azoblarda qoldirgan yorim.
Shirin jonimdan ham to'ydirgan yorim. Ishqning otash olovida kuydirgan yorim. Ayting, endi sizga yo'qmi keragim? Tunlarimni bedor etib ketdingiz. Kunlarimni mazmunsiz etib ketdingiz. Muhabbatning yo'lida tashlab kettingiz. Ayting, endi sizga yo'qmi keragim? Otashin sevgimni hor ayladingiz. Ko'zlarimni yo'lingizga zor ayladingiz. Nechun yuragimga ozor berdingiz? Ayting, endi sizga yo'qmi keragim? Qaniydi yomg'irga aylanib qolsam. Tunda derazangiz ohista chertsam. Shivirlab, "hayotim, sog'indim!" desam. Ayting, endi sizga yo'qmi keragim? Tunda oy edingiz, kunda quyoshim. O'zingiz edingiz yolg'iz sirdoshim. Nahot voz kechdingiz ey bag'ritoshim. Ayting, endi sizga yo'qmi keragim? Savollarim ko'pu, bari javobsiz. Yuragim sevgandi mendan so'roqsiz. Endi sizsiz qoldim, qoldim men yolg'iz. Ayting, endi sizga yo'qmi keragim? Sizni dunyolarga alishmas edim. Ismingizni takrorlab charchamas edim. Sizdan o'zgasini o'ylamas edim. Ayting, endi sizga yo'qmi keragim? Hayolan siz bilan suhbat qurardim. Sizla baxtli hayotni hayol qilardim. Jon desangiz siz uchun jonim berardim. Ayting, endi sizga yo'qmi keragim? Har tunda yig'layman, yostiqlarim nam. Bir kun ado qilar meni bu alam. Ko'z yoshlardan bezdi hatto ko'ngil ham. Ayting, endi sizga yo'qmi keragim? Olis olislarga termulaman jim. Ba'zan dardlashgani topilmas hechkim. Javobsiz qoladi mening savolim. Ayting endi sizga yo'qmi keragim? Yig'laymanu ko'zimda oqmaydi yoshlar. Oxlarimga yorilgay hattoki toshlar. Dardimga hamohang kuylaydi qushlar. Ayting, endi sizga yo'qmi keragim? Nahot bizning sevgi o'tmishda qoldi. Nahot boqiy sevgi bir zumda so'ndi. Javobsiz savollardan yuragim bezdi. Ayting, endi sizga yo'qmi keragim? Eslaysizmi birga o'tgan kunlarni?! Shirin hayollarga to'lgan tunlarni?! Sog'indim ishoning o'sha damlarni. Ayting, endi sizga yo'qmi keragim? Nahot endi kunlarim sizsiz o'tadi. Nahot endi tonglarim sizsiz otadi. Nahot endi quyoshim sizsiz botadi. Ayting, endi sizga yo'qmi keragim? Nechun biz ayrildik bilmayman o'zim. Yulduzlarga termulib bo'zlaydi ko'zim. Aybin bilmay ho'rsinar hasta yuragim. Ayting, endi sizga yo'qmi keragim?
Следующая публикация
Нет комментариев