Тошкентда 75

яшар отахон
компьютер саводхонлиги
курсини тугатди
Тошкентда 75 яшар отахон
«Компьютер саводхонлиги
асослари» курсини ўқиб
тугатди. Бу ҳақда Лилия
Николенко Facebook’даги
саҳифасида маълум қилган, дея
хабар бермоқда Daryo.Uz .
Хабар беришларича, исми
ошкор этилмаган қария
Германия Халқ
университетлари Ассоциацияси
Халқаро ҳамкорлик
институтининг (DVV
International) Ўзбекистон
филиали қошидаги ўқув
курсини тугатган.
Ассоциация вакили унга курсни
битирганлик ҳақидаги
сертификат ҳамда эсдалик
совғасини топшираётиб, агар
MS Excel дастурини ҳам
ўзлаштирса, отахонга
компьютер ҳадя этилишини
таъкидлаган.
Мазкур янгиликни ижтимоий
тармоқда маълум қилган Лилия
Николенко эса: «Балки бу
отахонга компьютер совға
қиладиган бирор савобталаб
ишбилармон топилиб қолар.
Эҳтимол, унга бир умрлик
чексиз интернет ҳадя этувчи
провайдер ҳам чиқиб қолар»,
— дея умид билдирган. Шундай
қилувчилар бўлса, улар ҳақида
ўзи ажойиб ҳикоя ёзишга
ваъда берган.
Интернет фойдаланувчисининг
ёзишича, DVV International
Ўзбекистон филиали ўзи
ўқитиш ишларини олиб
бормайди, балки шундай ўқув
марказларини қўллаб-
қувватлайди. Отахон эса
пойтахтдаги шундай ўқув
марказларидан компьютер
курсини тугатган. Яна бир изоҳ
муаллифи эса агар ўзи бу йил
ўқишга кира олса, отахонга
чексиз интернетни ўз
ҳисобидан ўтказиб беришни
ваъда қилган.