Предыдущая публикация
როცა გიყვარს და საათს უყურებ,
სულის ამოსვლას რომ ჰგავს ის წუთი,
ვეღარაფერი რომ ვერ აყუჩებს,
როცა სიჩუმე გულს ნელა გიკლავს,
დრო რომ გასულ წუთს აღარ აბრუნებს,
რომ გენატრება და ვერ ეხები,
ვიღაც შენს სუნთქვას მახეს რომ უგებს,
როდესაც სუნთქვის ძალა არ გყოფნის,
მაგრამ, ვინც გიყვარს, ეს არ აწუხებს,
როცა მის ღიმილს, ასე რომ ელი,
დაუფარავად, ის სხვას აჩუქებს,
ალბად არ იცი, არ განგიცდია,
წამის სიჩუმე როგორ გაყრუებს,
სულის ამოსვლას რომ ჰგავს ტკივილი,
ვეღარაფერი რომ ვერ აყუჩებს,
თუ სიყვარულის უნარი არ გაქვს,
გულის ტკივილიც არ გაგაბრუებს
სულში ჩაღვრილი ცრემლის გოდება
როცა არ იცი, სხვას ვერ გაუგებ...
Присоединяйтесь к ОК, чтобы подписаться на группу и комментировать публикации.
Нет комментариев