Предыдущая публикация
Görəsən biz hara gedirik axı
Bir addım irəli, bir addım geri
Gözlərimdə alov, içimdə ağrı
Ayağım əsəbdən qazıyır yeri
Bu dərd sürgün edir, ruhu, bədəni
Gedirəm ölüm də gözümdə deyil
İlahi sən özün toparla məni
Mənim ixtiyarım özümdə deyil
Neyləyək səsimiz tək sənə çatır
Bir soruş nə olub? Bir soruş nədi?
Ölülər torpağın altında yatır
Dirilər hələ ki kef içindədi
İstərəm bir dəfə üzünü görüm
Niyyətim pak, təmiz dediyim günah
Mən sənə bəndəlik borcunu verim
Sən mənə allahlıq borcunu allah.
Qorxuram uzanar qiyamətə yol
Yalan dualarla fikrin dəyişər
Biraz rəhmsiz ol, bir az qəddar ol
Səndən istifadə eliyir bəşər...
Следующая публикация
Нет комментариев