Ալելո՜ւյա, սուրբ մարդի՜կ.

փա՜ռք մեր սիրելի Տե՜ր Հիսուսի՜ն.
Բացի մահից ու մեղքից` մենք մեկ այլ խնդիր ունենք` բանսարկուն: Քրիստոսն Իր խաչելությամբ նաև բանսարկուին ոչնչացրեց (Եբր 2:14):
«Ոչնչացնել» թարգմանված հունարեն բառը կարող է թարգմանվել նաև «զրոյի հավասարեցնել», «ապարդյուն դարձնել», «վերջը տալ», «վերացնել», «չեղարկել», «հեռացնել»: Այն բանից հետո, երբ բանսարկուն` օձը, մարդուն գայթակղեց, ու մարդն ընկավ, Աստված խոստացավ, որ կնոջ սերմը կգա և օձի գլուխը կջախջախի (Ծնդ 3:15): Երբ ժամանակների լրությունը եկավ, Աստծու Որդին եկավ ու մսեղի դարձավ (Հվհ 1:14, Հռմ 8:3)` ծնվելով կույսից (Գղտ 4:4), որպեսզի ոչնչացնի բանսարկուին մարդու մսեղիում` խաչի վրա մսեղիում մեռնելու միջոցով: Սա Սատանային վերացնելու, նրան զրոյին հավասարեցնելու համար էր: Ալելո:ւյա, Սատանան վերացվել է, և նրան վերջ է դրվել:
Հավանաբար կասեք. «Ինչպե՞ս կարող է բանսարկուն վերացված լինել, եթե դեռևս այսքան գերակա է»: Ասելը, թե բանսարկուն գերակա է, սուտ է: Աստվածաշնչում ոչ մի տեղ նման բան չի ասվում: Մի՛ հավատացեք այդ ստին: Աստվածաշունչն ասում է, որ բանսարկուն ջախջախվել է, ոչնչացվել: Նրա գլուխը ջախջախվել է: Դուք ձեր զգացմունքների՞ն եք պատրաստվում հավատալ, թե՞ Աստծու Խոսքին: Աստծու Խոսքը մեզ ասում է, որ խաչի վրա Քրիստոսն Իր մահվան միջոցով ոչնչացրեց բանսարկուին: Սա իրագործված փաստ է, մի փաստ, որն ընդգրկված է Սուրբ Խոսքում` մեզ կտակված ժառանգությունում: Մենք պետք է այս ժառանգությունը հավատքով ընդունենք՝ Սուրբ Խոսքի համաձայն: (Եբր. կու, էջ 99)