Предыдущая публикация
Amerikanlı ilə Azərbaycanlı dost olur.
Bir gün amerikanlı Azərbaycanlı dostunu Amerikaya qonaq dəvət edir. Azərbaycanlı gedir Amerikaya və amerikanlının evinə girəndə görür bu amerikanlının bir evi var ki, bəlkə də tayı bərabəri yoxdur. Girir evin içinə və evdə açılan süfrəni görüb ağzı açıq qalır. Azərbaycanlı Amerikanlıdan soruşur: --“necə oldu ki, sən belə varlandın ? “
Amerikanlı onu çağırır pəncərənin yanına və yaxınlıqda olan körpünü göstərir və deyir :
-o körpünü görürsən ?
Azərbaycanlı deyir hə görürəm. Amerikanlı deyir: “bax o körpü 1 milyona tikilməliydi, amma 700 minə tikildi, yerdə qalan 300 minə isə kef edirəm.
Bir müddət sonra bu dəfə də Azərbaycanlı Amerikanlını Azərbaycana dəvət edir. Amerikanlı gəlir görür ki Azərbaycanlının bir evi var ki, onun evi bunun yanında heç nədi. Azərbaycanlıdan soruşur ki, bu nə məsələdi, necə oldu ki bu qədər varlandın ? Azərbaycanlı Amerikalını pəncərənin yanına çağırır və deyir : o körpünü görürsən ?
Amerikanlı pəncərədən baxır amma körpü görmür və deyir : orda körpü yoxdu axı. Azərbaycanlı isə deyir: amma olmalıydı.
Следующая публикация
Нет комментариев