Предыдущая публикация
TITANIK
Men bir qayiq, hayot-keng ummon,
Makkor taqdir eshkagim eshar.
Sog'inch, armon, iztirob, yolg'on-
Kalamushlar ko'ksimni teshar.
Hayot-ummon, men singan qayiq,
Asta-sekin cho'ka boshlayman.
Endi mening cho'kishim aniq,
Mana, nochor langar tashlayman.
Nochor langar tashlaysan sen ham,
Boqsam sen ham mendek bechora.
Kel, omon qol hech bo'lmasa sen,
O'zing qutqar meni parchalab.
Istagim, sen cho'kma hech qachon,
Hayot-ummon, biz-singan kema.
Men cho'kay, sen ket qirg'oq tomon,
Faqat birga cho'kaman dema.
Iftixor Xonxo'jayev
Следующая публикация
Нет комментариев