Предыдущая публикация
Буучай БУРМАЛОВ.
ЭНЕМЕ САМАРА
Јакшылар, эне, кандый
јадыгар?
Јанбаганымнаҥ бери удап
калт.
Тӧрӧл кабайымда не солун
бар,
Тӧрӧӧн улузым кандый
јат...
Каа-Кујур чӧлдӧри кары
суркурап,
Кайкалду чӧрчӧгин
кайлаган болбайсын.
Унаачы Мамай тайганы
ажыра,
Ундылган почтозын
коштогон болбайсын.
Узун јолдорын ӧрӧкӧн
ӧдӧлӧ,
Уур ӱшкӱрип отурган
болбайсын.
Арыган адынаҥ терин
соодорго
Арказына токым салган
болбайсын.
Јылу кажаанга капшайын
кирерге,
Јыбарга инектер энчикпей
турбайсын.
Јемзинип барарга,
тӱлкӱнек чичкерте
Јебрен корымнаҥ
ӱнденген болбайсын.
Город јеримде мен деп
кижи
Коркышту јаныксап
јӱредим эмди.
Тойо-кана ажанып та
алзам,
Токынап болбойт бу
мениҥ санаам.
Ийдим Акпай да тӱжимнеҥ
чыкпайт,
Ичкери озолоп, капсып
аҥдыжат.
Кем де јолдо унчыгып-
унчыкпай,
«Кел бери, кел» деп тунгак
кычырат.
Ойгонып келеле, сананып
јатсам
Ойгор до дегендий
сӧстӧри бажымда.
Кеен ле јаркынду таҥы ла
атса,
Кезикте айабас сурактар
кайда.
Кемдерге јолымда тузам
јеткен?
Кемге тӱбектӱ јаманды
эткем?
Чоҥчойым алдында јолым
селес.
Чорттыҥ јӱрӱми бу. Тегин
элес...
Саҥ ла башка тӱштер
кӧрӧдим.
Санаада сӱре бийик
кырларым.
Јалакай улузым, јолым ла
ӧйим
Јаантайын кожо. Оорыбай
јадым.
Јакшы ла болзын, амыр
јадыгар!
Јанып барарым, удабас
сакыгар.
Чындап, ӱредӱӱм кем јок
ӧдӱп јат,
Чырмайып ла јадым.
Мында кар јаап јат.
Эмди јыл: мечин. Туулык
Алтай.
Эзенимле, уулыгар Буучай.
Следующая публикация
Нет комментариев