Предыдущая публикация
Sizin sevginiz hanı
Məndən qayğı umanlar,
sayğı, sevgi umanlar
sizin sevgi payınız,
sizin sayğınız hanı?
Sevgilər tükənibmi,
sevgilər azalıbmı,
ayaqların altında
quyular qazılıbmı?
Yazan belə yazıbmı,
yoxsa ki bu yolların
yolçuları azıbmı?
Ara əgər tozdursa,
üzlər dönüb, bozdursa
demək sevgi yox daha,
bax elə bu səbəbdən
batmışıq biz günaha.
Qəlblər buza dönübdür,
qəlblərə qar ələnib?
Sevgi ocağımıza
sərin sular çilənib?
Məndən qayğı umanlar,
sayğı, sevgi umanlar
sizin sevginiz hanı?
Следующая публикация
Нет комментариев