Предыдущая публикация
Birdən sevmək istərsən
Birdən sevmək istərsən,
mən səni sevdiyimtək.
Elə bu başdan deyim,
sevmə yorulacaqsan,
yollara baxa – baxa.
Sevmə, qovrulacaqsan
bir həsrətin odunda
özünü yaxa – yaxa.
Ürəyin də üzülər,
göz yaşların aramsız,
yanağınla süzülər.
Danışmağa həvəsin,
Ciyərlərə çəkməyə
olmayacaq nəfəsin.
Qəlbində məhəbbətin
tükənəcək, bitəcək.
Mənə yaşatdıqların
fəqət sənə yetəcək.
Birdən sevmək istərsən,
mən səni sevdiyimtək...
Следующая публикация
Нет комментариев