Предыдущая публикация
ЖИМЛИК...
Сенга ғазабланиб, дод деб бўлмайди,
Сени бегонадай, ёт деб бўлмайди,
Менинг ишқпараст дил, ёдим туфайли,
Севиш керак сени, жимгина севиш!!
Айю ҳаннос солмай осмонлар қадар,
Бировга билдирмоқ гуёки хатар,
Мухаббат юзига тортиб зар чодар,
Севиш керак сени, жимгина севиш!!
Райҳонга шивирлаб айтиб қуяман,
Харсанга номингни пиноҳон уяман,
Хаёлда дийдорга бисёр туяман,
Севиш керак сени, пинҳона севиш!!
Ҳадиксанг кетасан, соҳилдан нари,
Кетсанг оғир сени, келмоқ қайтариб,
Сен эй нилуфарим, сочи ҳайдарим,
Севиш керак сени, жимгина севиш!!
Лоласен, мен эса илғамас янтоқ,
Жоласен, мен эса саҳрои овлоқ,
Фақат ўзимгамас, юрагимга боқ,
Кўниш керак менга, жимгина кўниш!!
Севмоқ керак сени, жимгина севиш!!
Следующая публикация
Комментарии 1