Предыдущая публикация
« Yol »
Qara gözlərini yollara dikmə
Terk edib getdiyim yola gəlmərəm.
Yalvarıb-yaxarıb göz yaşı tökmə,
Mən elə tərsəm ki yola gəlmərəm.
Bəlkə də yuxuna gələrdim, amma,
Çətinki yetişim çox uzağam mən.
Bəxtim tək qarayam, bu deyil əmma
Sənin ki yanında üzü ağam mən.
Daha pəncərənin önündən çəkil
Gözünlə başqa bir sevgiyə yol çək.
Özümə nifrəti tutmuşam vəkil,
Etdiyin gunahın altına qol çək.
Sevgi müqəddəsdir söyləyib durma.
Düşünmə bu sözə şəkk edirəm mən.
Bu ki eşq deyildi ay teli burma
Arxamca boylanma tək gedirəm mən.
Qayıdan deyiləm dağılsa dünya,
Pozmaram etdiyim tövbəmi heç vaxt.
Amma ölməyini istəməm əlsa
Mən sənə vermərəm növbəmi heç vaxt.
Mən sənə vermərəm növbəmi heç vaxt..
Müəllif: Nüsrət Həsən
Следующая публикация
Нет комментариев