Предыдущая публикация
Нечун дунё яралган бир кам?
Юрагимни армон тилади.
Висолингга, эй гўзал эркам,
Етмаганим алам қилади.
Шўнгғиб хаёлларнинг қарига,
Кўнар эдим шартинг барига,
Қўлинг тутмоқликдан нарига,
Ўтмаганим алам қилади.
Севги, ахир, висол демакдир,
Ўртамизда бўлсин,- дея,- сир,
Лабларингдан тўйиб-тўйиб бир,
Ўпмаганим алам қилади.
Следующая публикация
Нет комментариев