Предыдущая публикация
Кичке авыл
Хөрмәтле авылдашлар, игътибарыгызга авыл турында моңсу шигырь тәкъдим итәм
***
Кичке авыл…
Капка төпләрендә
Бүрәнәләр ятмый өелеп.
Өсләрендә авыл агайлары
Гәп куертмый көенеп, сөенеп.
Авыл агайларын эзли күңел,
Бабайларны капка төбендә…
Алар өчен бар да важный иде:
Ниләр бара илең, көнеңдә.
Тәмен белеп кенә, махрай тартып,
Сөйли иде алар җай гына.
Гармун моңы ишетелеп кала,
Күктән карый иде ай гына…
Урамнар буш. Гамьсез күзе белән
Тынлык капшый тыкрык буйларын;
Туган нигеземә бәрелә дә
Еракларга китә уйларым.
Авыл җаны бәргәләнеп йөри
Очтан очка… яшенә төелеп.
Яшен сөртергә дип моң чишмәсен
Эзләп йөрим дөнья бетереп…
Присоединяйтесь к ОК, чтобы подписаться на группу и комментировать публикации.
Нет комментариев