Предыдущая публикация
ҠАТНАШ НИКАХ
Туй бара,туй!!! Гөрләп тора
Ҡатнаш никах туйҙары!
Мине генә әллә ҡайҙа
Алып китә уйҙарым.
***Ана, ҡоҙа-ҡоҙағыйҙар,
Ҡайһылай аралашыр?
Ниндәй телдә һөйләшерҙәр?
Кем һуң кемгә йырлашыр?
Бына балалар тыуырҙар,
Уға исем бирерҙәр,
Ҡайһы милләт өҫтөнлөгөн
Күтәрер ул исемдәр?
Балалар үҫә барырҙар,
Һорау ҙа шунда ҡалҡыр,
Ҡайһы яҡты яҡын итеп
Кем милләтендә ҡалыр?
Ғүмер ҙә йәшәлә барыр,
Ғөрөф-ғәҙәт төрлөсә,
Ҡайһы милләт ғәҙәттәре
Ғаиләлә өҫтөндә?***
Бер башҡортомдо юғалттым
Ошо уйҙар эсендә,
Ә әле инде туй бара
Ҡыҙғандан-ҡыҙған хәлдә..
Эх, ошо ҡатнаш никахтар
Ҡурҡыта йөрәгемде,
Йәштәр, уйланһағыҙ ине,
Тыңлап әйтер һүҙемде!
Фәүзиә Ҡотлогилдина - АЛТЫНБИКӘ
Халыҡтарҙы бөтөрөүҙөң иң еңел юлы - ҡатнаш никахтар... Ҡатнаш никахтарҙан һаҡланығыҙ!
Следующая публикация
Нет комментариев