Дзень маці - гэта не проста дата ў календары. Ён напоўнены самымі цёплымі ўспамінамі для кожнага чалавека. У гэты цудоўны дзень хочацца пажадаць усім мамам здароўя і невычэрпнай энергіі, няхай вашыя дзеці цешаць поспехамі і растуць шчаслівымі людзьмі.
Мілыя, ласкавыя, дарагія нашы матулі! Жадаем, каб вашы надзеі апраўдаліся. Няхай спагадлівае мацярынскае сэрца заўсёды спакойна б’ецца ў такт радасці, поспеху і гонару за сваіх дзяцей. Будзьце здаровыя і шчаслівыя, бо вы наша ўсё!
Пачатак.
Пятрусь Броўка
Над намі тостаў не гукалі,калі жыццё
мы пачалі,
Адны матулі даглядалі і гэтак шчыра, як маглі.
Не пакідалі нас ніколі, на працу неслі на руках —
Пад гоман жыта ў жніўным полі лажылі спаць у таганах.
А змрок садзіўся вечаровы — ім не прыходзіў ціхі час:
У той калысцы у ліповай яны ўсю ноч гуталі нас.
Над прыпекам пялёнкі грэлі, памыўшы з попелам вадой,
Калі ў маленькіх шыі прэлі, дык
прысыпалі парахнёй.
Каб маці нашыя ў хаціне не зналі ў працы перашкод, —
Нам суслам з хлеба й сахарыны надоўга затыкалі рот.
А выпадала — пакідалі, — ці мала ў вёсцы розных спраў, —
Нас паясамі спавівалі, каб кожны
ціхенька ляжаў.
Ды паясы нас не стрымалі, і нам
прыходзіў час устаць —
Мы на іржышчы пачыналі нагамі босымі дыбаць.
Мы свет страчалі з хваляваннем, усё здзіўляла нас кругом:
I тое першае спатканне з сабакам, пеўнем і катом,
I чырвань яркае зарніцы, і чорнай ночы цішыня,
I бору шум, і звон крыніцы, і першы
роскат перуна.
А дні праходзілі за днямі, мацней стаялі на нагах —
I мы, памыўшыся дажджамі, і мы,
абцёршыся вятрамі,
Выходзілі ў далёкі шлях.
Присоединяйтесь к ОК, чтобы подписаться на группу и комментировать публикации.
Нет комментариев