Yurakni aldamang

yolg'on ishq bilan, siz
tayyor emassiz bunday
kurashga, sensiz
yasholmayman deysizu
lekin, o'rganib qolasiz
mensiz yashashga.
Ko'rganda nogoh
sog'ingan kabi o'ylanib
qolasiz ahvol so'rashga,
haftalar o'tadi yurasiz
eslab, o'rganib qolasiz
mensiz yashashga.
Mendan a'lo bo'lsa o'zga
bir inson, siz majbur
bo'lasiz dildan qarashga,
nozu ishvalari sehrlab
sizni, o'rganib qolasiz
mensiz yashashga.
Bilmadim men uchun
nelarga shaysiz, hali ko'p
ertadir yor deb atashga,
o'tdimi bir kuniz meni
ko'rmasdan Demak
o'rganibsiz mensiz
yashashga.