Предыдущая публикация
Кўксимга ботади киприкларингиз,
Дардингиз дунёлар қизғанар ҳатто.
Ўзимдан ўзига суйдирар ёлғиз,
Сизни бунча яхши кўради Худо.
Гулга ўралганми азобингиз ҳам,
Нурдан яралганми нигоҳларингиз.
Менинг ишқим хато дея йиғласам,
Фаришталар кечар гуноҳларингиз.
Сиз кимнинг кўксини куйдиргувчи ғам,
Мен кимнинг умрига тикилган аҳдман?
Қанча кўксингизга ташласам қадам,
Ҳақнинг карамидан шунча бебахтман.
Мени деб ҳурлар ҳам ботар кўз ёшга,
Таъқибга қолади минг битта малак.
Жуда қўрқаяпман, сизни севишга,
Дунёнинг жаннати шу бўлса керак.
Следующая публикация
Нет комментариев