ՊՈՂՈՍ ԱՌԱՔՅԱԼԻ ՀՈՎՎԵԼՈՒ ՆՄՈՒՇԸ

Գրծ20-ն ասում է, թե Պողոսը, երբ Երուսաղեմի ճանապարհին էր, լուր ուղարկեց Եփեսոս և կանչեց եկեղեցու երեցներին: Նա նրանց ասաց, որ պետք է հովվեն Աստծու հոտը, որը Աստված Իր իսկ արյունով գնեց (խ. 28): Աստծու հոտը հովվելը Պողոսի սրտում էր: Շատերը կարծում են, թե Պողոսը մեծ առաքյալ էր, ով մեծ աշխատանք էր անում, մեծ գործ: Սակայն Պողոսն իր արածն համարում էր Աստծու հոտի հովվություն: Մեր տրամաբանությունն ու պատկերացումները պետք է արմատապես փոխվեն: Մենք չպետք է կարծենք, թե հոգևոր հսկաների նման պետք է ինչ-որ նշանակալի գործ կատարեն: Իրականում այդ այսպես կոչված հսկաները Աստծու շահերի համար առանձնակի ոչինչ չեն արել: Փոխարենը իրենց համար անուն են ստեղծել, ինչը գրեթե ոչինչ չի տվել Քրիստոսի մարմնի կառուցմանը:
Գործ 20-ում Պողոսը Եփեսոսի երեցների հետ խոսելիս ասաց, որ նրանց ուսուցանել է «հրապարակավ և տնից տուն»(խ. 20): Սրբերին հրապարակավ ուսուցանելը, անկասկած, ցույց է տալիս, որ նա նրանց սովորեցնում էր տնից տուն....Պողոսը Քրիստոս էր խոսում բոլոր սրբերի համար նրանց տներում: Նա սրբերին հորդորում էր արցունքներով ամբողջ երեք տարի (խ. 31): Մենք, հնարավոր է, կարծում ենք, թե առաքյալը ճարտար, գիտակ խոսող է, ում գովաբանում են և մեծարում: Բայց Գոր 20-ում տեսնում ենք մի առաքյալ, ով այցելում էր աղքատ սրբերի տները և արցունքներով հորդորում նրանց: Առաքյալը պետք է սրբերի տներ գնա, հատկապես աղքատ սրբերի տներ: Մենք պետք է նորից ու նորից կարդանք Գործ 20-ը, որպեսզի տեսնենք, թե առաքյալն ինչ է ևինչ է նա անում: Երբ Պողոսը Երուսաղեմ գնալու ճանապարհին էր, նա կանգ առավ Միլետոսում և ուղարկեց Եփեսոսի երեցների հետևից: Նա նրանց պատվեր տվեց և իրեն որպես օրինակ բերեց նրանց: Նա նրանց ասաց, որ տքնում էր, որպեսզի հոգա իր կարիքները և իր համագործակիցների կարիքները (խ. 34) : Ի հավելում իր ողջ տքնանքի՝ նա նաև այցելում էր սրբերի տները՝ տնից տուն: Նա դա անում էր սրբերին կատարելագործելու համար: Նա հետ չքաշվեց նրանց որևէ օգտակար բան ազդարարելուց (խ. 20) և նրանց էր ազդարարում Աստծու ամբող որոշումը (խ. 27): Ի՛նչ սքանչելի կերպով էր Պողոս առաքյալը կատարելագործում:
Ես այսպիսի կատարելագործման աշխատանք էի կատարում 1940-1942.-ին Չիֆուում: 1942թ.-ի ավարտին եկեղեցու հետ այնտեղ այդ ընթացքում մնալու արդյունքում Չիֆուում մեծ արթնություն սկսվեց: Այդ ժամանկահատվածում սրբերի հետ խոսում էի հրապարակավ դահլիճում և այցելում էի նրանց իրենց տներում: Ես հեծանիվ էի նստում, գնում սրբերի տներ և նրանց հետ զրուցում իրենց խնդիրների մասին: Օրվա ընթացքում այցելում էի սրբերին, իսկ երեկոյան նրանց հետ հրապարակավ խոսում: Ես հետևում էի Պողոսի նրանց հրապարակավ և տնից տուն ուսուցանելու օրինակին: Մի անգամ Տիրոջ առաջնորդությանը հետևելով, ես որոշակի ժամանակահատվածում հերթով ընթրիքի հրավիրեցի Չիֆուում եղող բոլոր սրբերին: Մի անգամ տասը սուրբ էի հրավիրում, մեկ այլ անգամ քսան սուրբ: Դա անում էի այն երեկոները, երբ հավաքույթներ չունեինք: Ես վարձել էի մի եղբոր կերակուր պատրաստելու համար և օգտագործում էի ժողովարանի մի սենյակը թանկագին սրբերին հյուրընկալելու համար որպեսզի միասին ընթրենք և հաղորդակցվենք: Մի քանի ամսվա ընթացքում այսկերպ շփվեցի Չիֆուի եկեղեցում եղող գրեթե բոլոր սրբերի հետ: Սրբերին ձեր տուն հրավիրելն ավելի արդյունավետ է, քան տասը հաղորդում տալը: Վիթնես Լի
Այս և այլ ծառայողական գրքերի համար զանգահարեք 098185664 Վիթնես Լի