ՀՈՎՎՈՒԹՅԱՆ ՆՄՈՒՇԸ ՏԻՐՈՋ ՍՊԱՍԱՎՈՐՈՒԹՅԱՆ ՄԵՋ

Չորս Ավետարաներում (Ըստ Մատթեոսի, Մարկոսի, Ղուկասի և Հովհաննեսի) պատկերվածՀիսուսը շատ փայփայող է: Նա աշխարհ եկավ պարզապես մարդկանց փայփայելու համար: Բոլոր մարդիկ կարիք ունեն, որ Նա փայփայի, ուրախացնի, մխիթարի և հանգիստ տա նրանց: Եթե Նա մեզ մոտ գար Իր աստվածային կարգավիճակով, մենք կսարսափեինք: Բայց նույնիսկ ամենամեղսալի հարկահավքները կարող էին Նրա հետ ընկերների պես նստել, ուտել և խոսել Նրա հետ (Ղկս 15:1, Մտթ 9:10): Դպիրների ու փարիսեցիների՝ ինքնարդարների համար անտանելի էր Նրան հարկահավքների և մեղավորների հետ մեկ սեղանի շուրջ նստած տեսնելը: Նրանք չէին գիտակցում, որ իրենք էլ կարիք ունեն, որ Նա իրենց բժիշկը լինի: Ես կարող եմ վկայել, որ երբ աղքատ երիտասարդ էի, Հիսուսը եկավ և սկսեց փայփայել ինձ: Նա այն ամենն է, ինչի կարիքը ես ունեմ և ինչ ուզում եմ: Այն, ինչ Նա է, բավարարում է մեր բոլոր կարիքները: Չորս Ավետարանները Քրիստոսին բացահայտում են որպես փայփայող Մարդու Որդի, ով բավարարվում է ամեն մի ընկած մեղավորի կարիքը: Եթե դուք բորոտությամբ հիվանդ եք, Նա ձեզ կմաքրի: Եթե կույր եք, ձեզ տեսողություն կտա: Այսպիսին է Հիսուսը չորս Ավետարաններում:
Նոր Կտակարանում առաջին տեսությունը, որ տեսնում ենք, այն է, որ մեր Աստված հանկարծ մարդ դարձավ և ծնվեց որպես ամենացածր կարգավիճակի մարդ, ոչ թե հարուստի տանը, այլ աղքատի տանը: Նա ծնվեց Բեթղեհեմում, բայց հասակ առավ Նազարեթում: Նազարեթը հրեաների կողմից արհամարված էր: Մարդիկ Նրան Նազարեթցի կոչեցին (Մտթ 2:23): Դա նշանակում է, որ Նա արհամարված մարդ էր արհամարված քաղաքից և արհամարված շրջանից: Եսյ 53-ն ասում է, որ Նա արտաքին գեղեցկություն և գրավչություն չունեցող մարդ էր (խխ. 2-3): Նա պարզապես աղքատ Նազարեթցի էր:
Այսպիսի աղքատ մարդը կարող էր շփվել ամեն տեսակի մարդկանց հետ: Եթե Նա որպես թագավոր ծնված լիներ, շատ քչերը կարող էին Նրան մոտենալ: Բայց Նա ծնվել էր որպես աղքատ մարդ և Նա մատչելի էր ամեն դասի մարդու համար, հատկապես աղքատների և հիվանդների, ինչպիսիք էին կույրերը, բորոտները, մեղավորներն ու հարկահավաքները: Նա նրանց ընկերը դարձավ: Մարդկայնության մեջ Նրա գալը Նրան շատ փայփայող մարդ դարձրեց:
Քրիստոսի սպասավորությունը առաջին փուլում՝ մարմնացման փուլում, մարդկանց փայփայելու, գերելու ու գրավելու համար էր: Մի անքամ Նա քայլում էր նեղող ամբոխի մեջ, և մի հիվանդ կին հուսակտուր դիպավ Նրա հանդերձի ծոպին և բուժվեց ( Մտթ 9:20-22): Ամեն ոք Նրա կարիքն ունի, և ամեն ոք կարող է Նրան մոտենալ ու դիպչել: Նա չմերժեց Իր մոտ եկածներից ոչ մեկին: Նա ընդունում է բոլորին՝ առանց նախապատվության ու խտրականության:
Նա գրավում ու փայփայում էր մարդկանց....Խաչի վրա Նրա մահը մեծագույն փայփայանքն էր մեզ փրկագնելու համար: Առանց Նրա փրկագնմանը՝ ով՞ կարող էր գալ Նրա մոտ: Երբ լսեցինք Նրա՝ խաչի վրա մեռնելու պատմությունը, մեր աչքերն արցունքոտվեցին: Մենք Նրանով գերվեցինք:
Սա Նրա սպասավորությունն է չորս Ավետարաներում: Հարության մեջ Նա այլակերպվեց և դարձավ կենդանարար Հոգին, լիառատ մատակարարման Հոգին (Ա Կրթ 15:45, Փլպ 1:19): Այս Հոգին մեր սնուցման համար է: Որպես համաբովանդակ Հոգին, ով բացահայտված է Գործքից սկսած և բոլոր թղթերում՝ Քրիստոսը սնուցում է մեզ: Այս սնուցումը առաջացնում է եկեղեցին, կառուցում Քրիստոսի մարմինը և կավարտունացնի Նոր Երուսաղեմը: Եկեղեցու դեգրադացիայի պատճառով Քրիստոսի սնուցումը Հայտնության Գրքում յոթնապատիկ ուժեղացված է դառնում (Հյտ 1:4, 4:5, 5:6, 3:1), որպեսզի առաջացնի Աստծու հավիտենական նպատակը՝ Նոր Երուսաղեմը: Նրա սնուցման հանրագումարը կլինի այս մեծ տիեզերական քաղաքը որպես Աստծու մեծացումն ու արտահայտությունը: Այս քաղաքը Քրիստոսի՝ որպես կենդանարար, յոթնապատիկ ուժեղացված Հոգու լիառատ մատակարարման ավարտունությունն է մեր սնուցման համար: Նոր Կտակարանը բաղկացած է ընդամենը երկու բաժնից՝ փայփայումից և սնուցումից: Այս հայտնության շնորհիվ ողջ Նոր Կտակարանն ինձ համար նոր Գիրք է դարձել: Վիթնես Լի
Այս և այլ ծառայողական գրքեր ձեռք բերելու համար զանգահարեք 098185664