Предыдущая публикация
ԱՆՏԵՂՅԱԿ ՄԻ ԵՂԵՔ, ԱՅԼ ՏԵՂՅԱԿ ԵՂԵՔ ՆՐԱ ԳՈՐԾԵՐԻՑ
ՍԱՏԱՆԱՅԻ ԵՒ ՄԵՐ ԱՆՁՆԱԿԱՆ ԿԱՐԾԻՔԻ ՓՈԽՀԱՐԱԲԵՐՈՒԹՅՈՒՆԸ
Արդեն ասել ենք, որ մեր կարծիքները հանդիսանում են մեր հին մարդու արտահայտություներից մեկը: Սակայն «ես»-ի վրա աշխատանքի փորձառության մեջ մենք պետք է ուշադրություն դարձնենք հերթական հարցին՝ սատանայի և «ես»-ի փոխհարաբերությանը: Շատ քչերն են այս հարցը որևիցե ուշադրության արժանացնում, և հազվագյուտ մարդիկ են գիտակցում, որ սատանան մեր «ես»-ի և կարծիքների մեջ վճռորոշ դիրք է զբաղեցնում: Ուստի մեզ խիստ անհրաժեշտ է այս հարցի վրա որոշակի շեշտադրում անել:
Մարդու «ես»-ի մեջ թաքնված է սատանան: Սատանան ոչ միայն մեղքն է մեր մարմնի մեջ (Հռմ 7:18, 20,23), այլև՝ լավ կարծիքները՝ մեր «ես»-ի մեջ: Շատերը մեղքի մասին մտածելիս գիտակցում են դրա ապականությունը. այդ պատճառով էլ ատում և դատապարտում են մեղքը: Սակայն երբ խոսքը գնում է կարծիքների մասին, շատերին դա բարի է թվում: Նրանց ոչմիայն թվում է, թե իրենց կարծիքները մյուսներից ավելի լավն են, այլ նրանք նույնիսկ զգում են, թե կարծիքներն իրենց էությամբ ինքնին լավն են: Մեզնից ոչ ոք չի ատում իր անձնական կարծիքները. բոլորս էլ սիրում ենք դրանք և համարում, որ դրանք լավն են ու հիացմունքի արժանի: Ի հակադրություն սրան՝ Աստվածաշունչը բացահայտում է, որ սատանայից է ոչ միայն մեղքը, այլև՝ կարծիքները, որոնք մարդը լավն է համարում: Ճիշտ ինչպես մեղքն է հանդիսանում սատանայի մարմնացումը մեր մարմնում, այնպես էլ կարծիքն է հանդիսանում նրա մարմնավորումը մեր շնչում: Կարելի է ասել, որ մի կողմից՝ մեր մեջ սատանայի մարմնացումը նրան դարձնում է մեղքը մեր մարմնում, իսկ մյուս կողմից՝ դարձնում կարծիքը մեր շնչում:
Մեր մարմնում ու շնչում այսպիսի վճռորոշ դիրք ունենալով, սատանան՝ գալով մարդուն տիրելու, ձեռք բերելու և պղծելու, աշխատում է մեր էության այս երկու մասերում: Մի կողմից՝ նա գռգռում է մեր մարմնի անդամների կրքերը, իսկ մյուս կողմից՝ մեր մտքերի մեջ կարծիքներ է արթնացնում: Ավելին, աշխատելիս՝ սատանան միաժամանակ աշխատում է երկու մասերի վրա: Ամեն անգամ, երբ սատանան գալիս է մարդուն փորձության ենթարկելու, նախ մարդուն դրթում է կարծիք ձևավորել իր շնչում. այնուհետև ստիպում է մարմնին մեղանչել:
Սա վերաբերվում է նաև մարդկային ցեղի անկմանը, երբ սատանան Եվային փորձության ենթարկեց: Նախ նա եկավ նրա միտքը գրգռելու իր առաջարկով: Այլ կերպ ասած՝ իր նենգամիտ հարցերով նա պատճառ հանդիսացավ, որ Եվան կարծիքներ ձևավորի:
Դոկտոր Հալդեմանն ասել է, որ սկզբում այգում «Իսկապե՞ս Աստված ասաց» հարց տալով օձը հարցական նշանի տեսք է ունեցել՝ գլուխը բարձրացած իսկ մարմինը՝ կքած «(?)»: Սա իսկապես իմաստալի է: Ուստի, եթե ցանկանում ենք իմանալ մարդու անկման հոգևոր սկզբունքը, պետք է գիտակցենք, որ անկման առաջին քայլն այն էր, որ մարդը կարծիք ունեցավ, և այդ կարծիքը սատանայից էր:
Սատանայի այս կարծիքը, որ ներարկվեց մարդու մեջ, մարդկային ցեղի առաջին կարծիքն էր: Նախքան սատանայի կողմից գայթակղվելը՝ ստեղծվելուց հետո մարդը Աստծո առջև շատ պարզ կերպով էր ապրում՝ առանց կասկածի կամ կարծիքի: Մարդու ունեցած առաջին կարծիքը սերում էր այն առաջարկից, որ սատանան ներարկել էր մարդկային մտքի մեջ: Ուստի տեսնում ենք, որ մարդու մեջ մտնելու սատանայի առաջին քայլը բոլորովին էլ չարի և բարու գիտության ծառից չէր, որին մարդը հաղորդ եղավ ուտելով, այլ կարծիքի միջոցով. որ փոխանցվել էր մարդու շնչի (մտքի կամքի,զգացմունքի) մեջ: Երբ մարդու շունչը գրգռվեց և ընդունեց սատանայի առաջարկը, նրա մարմինը հետևեց դրան, և նա կերավ չարի և բարու գիտության ծառից:
Այսպատճառով էլ ասեցինք, որ կարծիքն ու մեղքը միշտ փողկապակցված են: Երբ մենք արտահայտում ենք մեր կարծիքը, տասը դեպքից իննում անյ փողկապակցված է լինում մեղքի հետ, քանի որ կարծիքը բխում է ոչ թե մեր «ես»-ից, այլ առաջ է գալիս մեղքի սկզբնախբյուրից, որն ինքը սատանան է: Սատանան թաքնվում է կարծիքի հետևում, և կարելի է ասել. որ կարծիքը սատանայի մարմնացումն է:
Մատթ 16:21-25-ում հստակ տեսնում ենք անձնական կարծիքի և սատանայի փոխհարաբերությանը: Երբ Տեր Հիսուսը աշակերտներին ցույց էր տալիս, որ պետք է գնա Երուսաղեմ մեռնի, Պետրոսն այն ժամանակ ունեցավ իր անձնական կարծիքը և Տիրոջը մի կողմ տանելով ասաց. «Քավ լիցի, Տեր, այդպիսի բան թող չպատահի Քեզ»: Սակայն Տերը շրջվեց և հանդիմանեց Պետրոսին.«Հետիս գնա, սատանա, դու գայթակղություն ես ինձ համար. որովհետև քո խորհուրդը Աստծունը չէ,այլ՝ մարդունը»: Տերն այստեղ անմիջականորեն հանդիմանեց Պետրոսին որպես սատանային, որովհետև գիտեր, որ Պետրոսի այդ կարծիքի հետևում թաքնվում է սատանան: Ուշադիր եղեք այստեղ, թեև Պետրոսի կարծիքը բխում էր Տիրոջ հանդեպ տածած սիրուց, թեև դա գերազանց կարծիք էր և Տիրոջ շահերի համար էր մարդկայնորեն տեսանկյունից էլ բարի, այնուամենայնիվ այս կարծիքը հանդիսանում էր սատանայի մարմնացումը: Սովորաբար մեզ թվում է, թե վատ կարծիքն է սատանայից, բայց Տիրոջ աչքին ցանկացած կարծիք, լինի դա լավը թե վատը, քանի որ կարծիք է, ուրեմն սատանայից է: Մարդու նույնիսկ լավագույն կարծիքը Աստծո աչքին սատանայի մարմնացումն է: Միայն նրանք, ում Տերը լուսավորել է, գիտեն, որ մարդու կարծիքը Աստծո կամքի թշնամին է, ինչպես նաև խաչի հկառակորդը:Սա պետք է մեզ համար զգուշացում լինի:
Աստվածաշնչում մեկ այլ տեղ կա, որտեղ հստակորեն խոսվում է սատանայի և անձնական կարծիքի փոխհարաբերության մասին: Եփես.2:2-3-ն ասում է. «Որոնց մեջ մի ժամանկ քայլում էիք այս աշխարհի դարաշրջանի համաձայն, օդի իշախանության իշխանի համաձայն՝ ոգու, որը հիմա գործում է անհնազանդության որդիների մեջ, որոնց թվում մենք ամենքս էլ մի ժամանկ մեզ տանում էինք մեր մարմնի ցանկություների մեջ, մարմնի և մտքի կամքը կատարելով...»:Այս հատվածը մեզ նախ ցույց է տալիս, որ այսօր բոլոր մարդիկ քայլում են համաձայն իրենց մեջ սատանայի ոգու գործելու: Այնուհետև, դա մեզ ցույց է տալիս, որ սատանայի աշխատանքի արդյունքը այն է, որ մարդկանց դրդի ապրելու իրենց մարմնի ցանկություններով՝ կատարելով մարմնի և մտքի կամքը: Նրանք մի կողմից իրագործում են մարմնի կրքերի ցանկությունները, իսկ մյուս կողմից՝ իրենց մտքի ցանկությունները: Հետևաբար մարդկանց մեջ սատանայի աշխատանքը ունի երկու տեսանկյուն. աշխատանք մարդկանց մարմնում և աշխատանք մարդկանց մտքում: Երբ սատանան աշխատում է մեր մարմնում, դրա արդյունքը լինում է մեր մարմնի կիրքը, այսինքս մեղքը. երբ նա աշխատում է մեր մտքում (Հռմ 7:23), արդյունքը լինում է կարծիքը կամ «ես»-ը:
Մի անգամ մի եղբայր վկայեց, որ ամեն անգամ, երբ որևէ իրավիճակի է բախվել, և իր մեջ կարծիք է առաջ եկել, եթե դա նա չի արտահայտել, ներքուստ ուժեղ «մարմաջ» է զգացել: Սա իսկապես ճիշտ է: Այս մարմաջի զգացողությունը նրա մեջ առկա ցանկությունն է: Երբ թմրամոլը բախվում է թմրանյութին, մարմաջ է զգում. երբ խաղամոլը տեսնում է խաղային սարքերը, մարմաջ է զգում: Նույն կերպ էլ երբ սատանան աշխատում է մարդու մտքում և նրան կարծիք տալիս, մարդը ներքուստ մարմաջ (մոլուցք գրգիռ) է զգում և չի կարողանում չարտահայտել այն:
Հետևաբար, ճիշտ ինչպես մեղքն է հանդիսանում մարդու մարմնի ցանկությունների արդյունքը, այնպես էլ մեր կարծիքները հանդիսանում են մեր մտքի ցանկությունների արդյունքը: Երկուսն էլ հանդիսանում են սատանայի աշխատանքի արդյունքը:
Շատ քչերն են դատապարտում իրենց կարծիքը, և նույնիսկ ավելի քիչ մարդիկ են գիտակցում, որ իրենց անձնական կարծիքը սատանան է: Յուրաքանչյուր ոք իր անձնական կարծիքները բարձր գնհատականի է արժանացնում, թանկ գնհատում և դրանց մասին խորհելիս շատ քաղցր զգացողություներ է ունենում: Մեր զգացմունքների համար կարծիքները միշտ ամենասիրելի բանն են: Մեզ խորապես անհրաժեշտ է խնդրել Տիրոջը, որ այս խոսքերի լույսի մեջ մեր պատկերացումներում մեզ լիարժեք շրջադարձ տա: Պետք է տեսնենք, որ, եթե մեղքը սարսափելի է, ապա շատ ավելի սարսափելի է մեր կարծիքը: Եթե թշնամուն ընդդիմանալիս մեզ անհրաժեշտ է ընդիմանալ մեղքին, ապա մեզ շատ անհրաժեշտ է խաչի միջոցով մահվան մատնել մեր բոլոր կարծիքները:Այդ կերպ գործնականում մենք կմերժենք մեզ, ամբողջությամբ կմերժենք սատանայի տեղը մեր ներսում և կվոչնչացնենք սատանայի ամրությունները մեր մեջ:
«ԿՅԱՆՔԻ ՓՈՐՁԱՌՈՒԹՅՈՒՆԸ» գրքից 2-րդ հատոր, էջ 60-64: Վիթնես Լի
Տիրոջ ողորմությամբ ունենք Հին Կտակարանի և Նոր Կտակարանի`Ծննդոց գրքից մինչև Հայտնության գրքի, խոսքերի հոգևոր տեսանկյունից լուսաբանումններն,մեկնություներն ու հայտնություներն,որը տրվել է Տիրոջ կողմից Սուրբ Հոգու ներշնչումով: Իր զավակներին Իր համբարձումից հետո տրված բոլոր հայտնություները որոնք, որ հավաքել են եղբայրները, այդ բոլոր հայտնություները,որը Տերը տվել է մոտ երկու հազար տարվա ընթացքում: Տերը բացել է ամբողջ Աստվածաշունչը: Այսօր Աստվածաշունչը դարձել է թափանցիկ և պարզ Գիրք, և մենք կարող ենք իմանալ Աստվածաշնչի միջի ամեն մի Գրքի խորություները:
Տեղեկություների համար զանգահարեք 098185664
Следующая публикация
Нет комментариев