Предыдущая публикация
Равшан Эрматов дунёнинг энг яхши ҳакамлари рўйхатида бешинчи ўринда қайд этилди.
IFFHS томонидан 2014 йилнинг энг яхши 10 ҳаками номи маълум қилинди.
Унга кўра италиялик ҳакам Никола Риццоли йилнинг энг яхши ҳаками деб топилган. Эслатиб ўтамиз, Риццоли Бразилияда ўтган жаҳон чемпионати финалини бошқарган эди.
Равшан Эрматов бу рўйхатда бешинчи ўринда қайд этилган. Шу ўринда таъкидлаб ўтиш лозим, Равшан Эрматов Бразилияда кечган жаҳон чемпионатида 4 та ўйин бошқарган ва мундиаллар тарихида энг кўп ўйинда ҳакамлик қилган рекордчига айланганди.
Жорий йилда энг яхши ҳакамлар ўнталигидан Виктор Кашшаи ва Жанлука Роккилар чиқиб кетган.
Қуйида энг яхши ҳакамлар рўйхати билан танишиб чиқишингиз мумкин.
1. Никола Риццоли (Италия)
2. Говард Уэбб (Англия)
3. Феликс Брих (Германия)
4. Бьорн Куйперс (Голландия)
5. Равшан Эрматов (Ўзбекистон)
6. Педру Проэнса (Португалия)
7. Карлос Веласко Карбальо
(Испания)
8. Жунайт Чақир (Туркия)
9. Марко Родригес Морено (Мексика)
10. Нестор Питана (Аргентина)
Следующая публикация
Нет комментариев