Предыдущая публикация
BOR BÕLSIN.
Qiz bor uyning fayzi bõlak, deydilar,
Jannat yõli - qiz bor yõlak, deydilar.
Õngirimda õg'lim yõq, deb õksimang,
Tog bõlmasa, qir ham tirgak, deydilar.
Elning baxti botirlarga yor bõlsin,
Ominalar, Xolidalar bor bõlsin.
Qiz yõq yurtga kõklamlar sep tõsharmi?
Kelini yõq tõylar tõyga õxsharmi?
Qizlar borki, õlka omon, qõrg'on but,
Qiz kutmasa yigit olov kecharmi?
Jonlar ilhaq, ilinjlar tumor bõlsin,
Ma'sudalar, Mahzunalar bor bõlsin.
Qizi yõqni oysiz xomush osmoni,
Qizi borning qasrdir xonadoni.
Shu munglig'u shu mushtipar parvonang,
Yigit yõlning, qiz kõngilning sultoni.
Ota uyda har kuni bohor bõlsin,
Mavludalar, Ma'sumalar bor bõlsin.
Ey Muhammad, olti og'a-ining bor,
Birda yaxshi, birda yomon kuning bor.
Bir kun boshing botar bõlsa bolishga,
Qizlaringdan yaqin yana kiming bor!!!
Sovchilari eshigida zor bõlsin -
Nozimalar, Madinalar bor bõlsin.
Следующая публикация
Комментарии 4
Sheriyatni shu darajada sevdiki sher ayta turib olamdan kuz yumdi