Предыдущая публикация
Исхан Матагов
Аузубиллах1иминашшайт1онурражийми! Бисмиллах1иррохьманиррохьийми! Ассаламу Алайкум, сан бусулба вежарий, йижарий!
Къинойн барам кхин а совбуьйлур бу х1ара иштта д1адодахь. Вайна хаьа, г1али юкъаваьлча а, телевизорш чу хьоьжуш а, Дала хьарам диначух ца кхеташ вешан б1аьргаш дуьсуш ца хилар. Халахеташ делахь а, кху заманахь къаьсттина хала ду аьлла а хета суна, къинойх ларвала. Х1унда аьлча, ч1ог1а акхабевлла, шаьш ца дигарна кхоьруш санна, ц1армат бевлла лелаш бу вайн цхьаболу мехкарий. Мелхо а товш хилар-кх шуьгахь оьзда, еха, шуьйра Аллах1а леладе аьлла парз дина духар а, доккха йовлакх а. Цхьа, ийман г1ийла долчо, иштта маьттаза духар хилча хаза а хеташ, т1аьхьа а волий маре юьгу йо1. Цул т1аьхьа цунах хуьлуш дерг а хаьа вайна. Дала ларвойла ишттачу зудчух. Шен ц1ийнан да дакъаза воккху цо. Сан дехар ду, кху къамелех вас а ца лоцуш ийман чу дахка хьовсар. Валлах1и, со ийман долуш хеташ а ма вац со. Я со 1илма долуш а вац. Делахь а, хила-м лаара суна, суо Къуръанан (Аста1узубиллах1) некъ бевзаш. Къаьсттина, зудабераш ду цхьаболу к1ентий шайн ийманах тилош дерш. Шайн ийман г1ийла дерш т1ег1ерта цу 1есачу некъана. Мархийн бутт т1ебеъча, багахь марха долуш араваьллачу стеган марха а дохор долуш, ц1арматчу духаршца лелаш хуьлу вайна дуккха а мехкарий… Х1ара дуьйцуш дац ас, лела ма беззара лелачу оьздачу мехкаршна… Тиларчу бирзинчу, шайт1анан лаамна т1аьхьабевлла лелачу йо1аршка бах ас. Дехар ду сан, х1ара ас дуьйцу аьлла новкъа ца дар. Валлах1и, цхьана а вайн къоман йо1аца, кхиболу бусулбачу мехкаршца а цабезам болуш а ма вац со, ч1ог1а лаара суна вайн къоман мехкарий ийман долуш хила. Х1ара къамел деш волу со а вац шуна, динехь нисвелла лелаш… Амма, сайн ма-хуьллу, дин т1ехь ч1аг1вала г1ерташ, Аллах1е до1анаш-м до ас. Шайн Делан а, Пайхамаран а (савс) дуьхьа, ийманехь нисдала хьовсахьара шу, сан хьоме бусулба йижарий! Т1аккха, к1ентаршна а атта хир дара ийман чохь нисбала. Ураме, г1алин юкъа, муьлххачу а нах дукха хуьлуче валахь б1аьргашна ца гуш х1ума ца дуьсу-кх. Къа латадо-кх б1аьргаш. Цхьаверг, цу ц1арматчу духарца йоьдучу йо1анна т1аьхьа а х1уттий, цуьнца шайт1ан некъ х1отта а волало. (зина). И зина дан а до. Дала лардойла-кх вайн массо а вочу х1уманех. Аллах1-Дала ийман чохь нисвойла со а, вайн массо а, иштта, кху дуьнен т1ера массо тилвелла леларг а! Хийла оьздачу ден к1ант ма ву, цхьана эхь-ийман а доцучу зудчо шена т1е а верзийна, дех-ненах а ваьккхина лелаш, и 1еса зуда малик а хеташ. Цу ийман доцучу йо1арша бохийна доьзалщ а бу дуккха а…
Гуттар а диканиг, х1ора а стеган декхар х1ун дара шуна, аьлча, шайн-шайн доьзалерчу йо1аршна а, зударшна а, йижаршна а т1ехь 1уналла (дола) дар дар-кха. Шен чуьра арайолуш йолу зуда, йо1, йиша ца гуш хир вац цхьа а. Совцо безара, и ц1армат лела зударий а, йижарий а, йо1арий а, т1аккха цхьаъ хила магар кхунах Аллах1ан г1оьнца. Амма, х1ара цхьана низам т1е ца нислахь эрчо юй-м хаьа суна, х1ара, вежарий!
Ас юха а бах, суна бехк а ма биллахьара аш, йижарий, ойла а йина бусулба дин т1ехь духарца а, леларца а нисдала хьовсахьара шу… И дехар ду-кх сан, тиларчу бирзина лелачу массо а йижаршка… Дала ийман чохь нисдойла шу а, вайн массо а!...
Следующая публикация
Нет комментариев