Предыдущая публикация
Առավել գեղեցիկ, գրավիչ, զվարճալի, աննկարագրելի, հուզումնալից ու հուսադրող, ահա այսպիսին էին «Ռեալի» պատմության լավագույն թիմի՝ Գալակտիկոսի հատկանիշները: Անուններն արդեն բավական են հասկանալու համար, թե ինչպիսի պատմություն ունի մեր թիմը.
Ռաուլ, Զիդան, Ռոնալդո, Բեքհեմ, Կառլոս, Մորիենտես, Հիերո, ՄքՄանաման, Ֆիգու, Կամբիասո, Մակելելե, Սալգադո, Հելգերա, Սեզար, ու վերջապես՝ Կասիլյաս: Արդյո՞ք բավարար չէ նկարագրությունն ավարտելու համար, իհարկե, բավական է, բայց մի պահ եկե´ք մոռանանք ներկան ու գնանք ոչ այնքան հեռավոր 2000-ական թվականները:
Ահա այդ տարիներին լավագույն թիմում հայտնվեցին ժամանակի լավագույնները՝ բառիս ամենաընդգրկուն իմաստով: Հենց այս ժամանակ «Ռեալին» միացան բազմամիլիոն երկրպագուներ ու աջակիցներ՝ մի մասը երկրպագելով Ռոնալդոյին, մի մասը՝ Զիդանին, մի մասը՝ Ռաուլին և մնացած հանճարներին:
Հենց այդ տարիներին էր, որ աստղի նման փայլում էր «Ռեալի» թագը: Հենց այդ ժամանակներն էր, երբ իրական աստղաբույլ էր, երբ Սանտիագո Բեռնաբեուն ադամանդի պես փայլատակում էր ամբողջ Իսպանիայում:
Խաղում էին արքաները, երջանկացնելով բազմահազար մարդկանց, ցուցադրելով աննկարագրելի վարպետություն, հրաշք ֆուտբոլ, աներևակայելի տեխնիկա, հիասքանչ դրիբլինգ, ու ընդհանրապես՝ իսկական ֆուտբոլ:
Միգուցե սխալվում եմ, բայց հենց այդ ժամանակ էր, երբ ասում էինք «Ռեալ»՝ մտքներովս անցնում էր «Արքայական ակումբ», քանի որ խաղում էին արքաները, խաղում էին ճերմակ գույնով, արքայական ու արքայավայել կերպով, հանճարեղ տրամաբանությամբ ու գալակտիկական մտածողությամբ:
Հիմա շատերիդ մտքով կանցնի, թե ինչու անցանք հիշողությունների գիրկը, չէ որ բոլոր իրական երկրպագուները գիտեն այս ամենի մասին:
Շատերը կասեն, թե դա պարզապես լավ անցյալ է, ժամանակն է իրականացնել ներկայիս նպատակները:
Մի մասը կասեն, թե երբեք չեն մոռանա այս աննկարագրելի թիմին ու կապրեն այս դրական զգացողություններով:
Իսկ մնացած երկրպագուները կունենան այլ եզրահանգումներ, բայց միևնույն է, կհրապարակեն «Ռեալին» վայել մտքեր ու կարծիքներ:
Անհնար է մոռանալ Գալակտիկոսը: Անհնար է մոռանալ «Ռեալի» պատմության լավագույն թիմը: Անհնար է ժամանակ առ ժամանակ չանցնել հիշողությունների գիրկը, ու նորից չվերապրել այդ հին ու բարի 2000-ականները: Այս ամենը պարզապես անհնար է: Ահա, թե ինչն էր պատճառն այս նյութի, realmadrid.am-ի հետ միասին ևս մեկ անգամ վերապրեք հրաշալի զգացողություններ ու դիտելով այս գեղեցիկ տեսանյութը՝ ստացեք դրական լիցքեր:
#новости
Следующая публикация
Нет комментариев